അഞ്ചാമത് പാണ്ഡവീയ മഹാവിഷ്‌ണു സത്രത്തിന് വിളംബരമായി; വിളംബരവേദി ഉദ്‌ഘാടനം ചെയ്‌ത്‌ തിരുവിതാംകൂർ ദേവസ്വം ബോർഡ് പ്രസിഡന്റ്; ബി രാധാകൃഷ്ണ മേനോൻ സത്രസമിതി ചെയർമാൻ

അഞ്ചാമത് പാണ്ഡവീയ മഹാവിഷ്‌ണു സത്രത്തിന്റെ വിളംബരം തൃക്കൊടിത്താനത്ത് നടന്നു. തിരുവിതാംകൂർ ദേവസ്വം ബോർഡും പഞ്ച ദിവ്യദേശദർശനും സംയുക്തമായി മെയ് മാസത്തിലാണ് പാണ്ഡവീയ മഹാവിഷ്‌ണു സത്രം സംഘടിപ്പിക്കുന്നത് . തൃക്കൊടിത്താനം മഹാവിഷ്‌ണു ക്ഷേത്രത്തിലാണ് സത്രം നടക്കുക. പഞ്ച പാണ്ഡവരിലെ അഞ്ചാമന്റെ തേവാരമൂർത്തി വാഴുന്ന ക്ഷേത്രമാണ് തൃക്കൊടിത്താനം മഹാവിഷ്‌ണു ക്ഷേത്രം.

തിരുവിതാംകൂർ ദേവസ്വം ബോർഡ് പ്രസിഡന്റ് പി എസ് പ്രശാന്ത് വിളംബര വേദി ഉദ്‌ഘാടനം ചെയ്‌തു. ക്ഷേത്രംതന്ത്രി പറമ്പൂരില്ലത്ത് രാകേഷ്നാരായണൻ ഭട്ടതിരിപ്പട് വേദിയിൽ ഭദ്ര ദീപം തെളിച്ചു. ദേവസ്വംബോർഡ് മെമ്പർ അഡ്വ. അജികുമാർ പഞ്ചപാണ്ഡവക്ഷേത്രങ്ങളിലെ ദേവസ്വം മാനേജർമാർ ഉപദേശക സമിതി ഭാരവാഹികൾ തുടങ്ങിയവർ പങ്കെടുത്തു.

2025 മെയ് 10 ശനിയാഴ്‌ച മഹാഗണപതി ഹോമത്തോടുകൂടി സത്രം സമാരംഭിക്കും മെയ് 17 ശനിയാഴ്ച്‌ച പൂർണ്ണാഹുതിയോടുകൂടി സമാപിക്കും. ബ്രഹ്മശ്രീ. കിഴക്കേടം ഹരിനാരായണൻ നമ്പൂതിരിയാണ് സത്രാചാര്യൻ. പ്രേമികാദാസൻ പറളി ശ്രീകാന്ത് ശർമ്മയാണ് സഹ ആചാര്യൻ. സത്രസമിതി ചെയർമാനായി ബി.രാധാകൃഷ്ണ മേനോനെയും, ജനറൽ കൺവീനറായി വിനോദ് ചക്കിട്ടപറമ്പിലിനെയും തിരഞ്ഞെടുത്തു.