ദക്ഷിണ കൊറിയയ്ക്ക് പിന്തുണ നൽകിക്കൊണ്ട് നാല്പത് വർഷത്തിനിടെ ആദ്യമായി അമേരിക്കൻ മുങ്ങിക്കപ്പൽ തീരത്തണിഞ്ഞു; നുഴഞ്ഞു കയറിയ അമേരിക്കൻ സൈനികൻ ഉത്തര കൊറിയയിൽ പിടിയിൽ ; സംഘർഷ നിഴലിൽ കൊറിയൻ ഇടനാഴി

സോ​ൾ : ഉത്തരകൊറിയയുമായുള്ള ബന്ധത്തെ കൂടുതൽ മോശമാക്കിക്കൊണ്ട് ആ​ണ​വാ​യു​ധ ശേ​ഷി​യു​ള്ള മുങ്ങി​ക്ക​പ്പ​ൽ ദ​ക്ഷി​ണ കൊ​റി​യ​ൻ തീരത്ത് വി​ന്യ​സി​ച്ച് അ​മേ​രി​ക്ക. ദക്ഷിണ ​കൊ​റി​യ​ൻ തീ​ര​മാ​യ ബു​സാ​നി​ൽ ഇക്കഴിഞ്ഞ ചൊ​വ്വാ​ഴ്ച വൈകുന്നേരമാണ് യു.​എ​സ്.​എ​സ് കെ​ന്റ​കി എ​ന്ന മു​ങ്ങി​ക്ക​പ്പ​ൽ എ​ത്തി​യ​ത്. ഉ​ത്ത​ര കൊ​റി​യയിൽ നിന്ന് നിരന്തരമായി ആ​ണ​വാ​യു​ധ ഭീ​ഷ​ണി നേ​രി​ടു​ന്ന ദക്ഷിണ കൊറിയയെ പിന്തുണയ്ക്കുന്നതിനായാണ് കഴിഞ്ഞ നാല്പത് വർഷത്തിനിടെ ആദ്യമായി ഇത്തരത്തിലൊരു സുപ്രധാന നീക്കം ദക്ഷിണ കൊ​റി​യ​യി​ൽ അ​മേ​രി​ക്ക നടത്തുന്നത്.

ഇക്കഴിഞ്ഞ ഏ​പ്രി​ലി​ൽ അമേരിക്ക – ദക്ഷിണ കൊ​റി​യ പ്ര​സി​ഡ​ന്റു​മാ​ർ ഒ​പ്പു​വെ​ച്ച ക​രാ​റി​ന്റെ ഭാ​ഗ​മായാണ് മു​ങ്ങി​ക്ക​പ്പ​ൽ ​കൊ​റി​യ​ൻ തീരത്തെത്തിയത് എന്നും റിപ്പോർട്ടുണ്ട്. കരാരിൽ സൈ​നി​കാ​ഭ്യാ​സ പ്ര​ക​ട​ന​ങ്ങ​ൾ വി​പു​ലീ​ക​രി​ക്കു​ന്ന​തി​നാ​യു​ള്ള ദ്വി​രാ​ഷ്ട്ര ന്യൂ​ക്ലി​യ​ർ ക​ൺ​സ​ൽ​ട്ടേ​റ്റി​വ് ഗ്രൂ​പ്പി​നും രൂ​പം ന​ൽ​കി​യി​ട്ടു​ണ്ട്.

അ​തി​നി​ടെ വിഷയത്തിൽ ഉത്തര കൊറിയയ്ക്ക് മേൽക്കോയ്മ നൽകിക്കൊണ്ട് നി​യ​മ​വി​രു​ദ്ധ​മാ​യി അ​തി​ർ​ത്തി ക​ട​ന്ന ഒരു അമേരിക്കൻ പൗരനെ ഉത്തരകൊറിയ ക​സ്റ്റ​ഡി​യി​ലാ​ക്കി. ഇയാൾ അമേരിക്കൻ സൈനികനാണെന്ന വിവരം കൂടി പുറത്തു വരുന്നുണ്ട്. ഇതോടെ അമേരിക്കയുടെ കൊറിയൻ മേഖലയിൽ നടത്താനിരിക്കുന്ന സൈനികാഭ്യാസങ്ങളിൽ ആശങ്ക നിലനിൽക്കുകയാണ്.