ബിഗ്ബോസ് ചരിത്രത്തിലാദ്യമായി രണ്ടാമത്തെ ആഴ്ചയിലെ എലിമിനേഷൻ നടന്നില്ല;ഷോ അവസാനിപ്പിച്ച് ഇറങ്ങി മോഹൻലാൽ

ബിഗ്‌ബോസ് മലയാളം സീസൺ അഞ്ചാം പതിപ്പിന്റെ കഴിഞ്ഞ ദിവസത്തെ എപ്പിസോഡാണ് ഇപ്പോൾ സമൂഹ മാധ്യമങ്ങളിലെ ചർച്ചാവിഷയം. ബിഗ്‌ബോസിൽ ഈസ്റ്റർ ദിവസം വലിയ വാക്ക് തർക്കമാണ് നടന്നത്. ഇതോടെ ഇന്നലെ നടക്കാനിരുന്ന എലിമിനേഷൻ നടത്താൻ തയ്യാറാകാതെ മോഹൻലാൽ തിരിച്ച് പോയി. മത്സരാർത്ഥികൾക്ക് ഒട്ടേറെ സർപ്രൈസും സമ്മാനങ്ങളുമായാണ് ഈസ്റ്റർ ദിനത്തിൽ മോഹൻലാൽ എത്തിയത്. എന്നാൽ മോഹൻലാൽ ഷോ അവസാനിപ്പിച്ചത് ദേഷ്യത്തോടെ ആയിരുന്നു.

ഇത്തവണ ബിഗ്‌ബോസിൽ എലിമിനേഷൻ നടക്കില്ലെന്നും കഴിഞ്ഞ തവണ നടന്നിരുന്ന വോട്ടിങ് വീണ്ടും തുടരുമെന്ന് പറഞ്ഞു ദേഷ്യപ്പെട്ടാണ് മോഹൻലാൽ പോയത്. അതിനാൽ എലിമിനേഷൻ ലിസ്റ്റിൽ ഉൾപ്പെട്ട ഏഴ് പേർക്കും ഒരാഴ്ച കൂടുതൽ സമയം ലഭിക്കുകയും ചെയ്യും. ബിഗ്‌ബോസ് മലയാളത്തിന്റെ ചരിത്രത്തിലാദ്യമായാണ് ബിഗ്‌ബോസിന്റെ രണ്ടാമത്തെ ആഴ്ച നടക്കേണ്ടിയിരുന്ന എലിമിനേഷൻ നടക്കാതിരിക്കുന്നത്.