യൂറോപ്പിന്റെ “കരുത്തൻ” ഇന്ത്യൻ തീരമണഞ്ഞു ! സൈനികാഭ്യാസത്തിനായി ഫ്രാൻസിന്റെ വിമാനവാഹിനിക്കപ്പൽ ഇന്ത്യയിലെത്തി ; നെഞ്ചിടിപ്പോടെ പാകിസ്ഥാനും ചൈനയും

ദില്ലി : യൂറോപ്പിലെ ഏറ്റവും കരുത്തുറ്റ വിമാനവാഹിനിക്കപ്പൽ എന്ന ഖ്യാതി പേറുന്ന ഫ്രഞ്ച് നാവികസേനയുടെ പടക്കപ്പൽ “ചാൾസ് ഡി ഗല്ലെ’ ഇന്ത്യയിലെത്തി. ഫ്രഞ്ച് നാവികസേനയുടെ കാരിയർ സ്ട്രൈക്ക് ഗ്രൂപ്പുമായാണ് കപ്പൽ ഇന്ത്യൻ മഹാസമുദ്രത്തിലെത്തിയത്. നീണ്ട 40 വർഷങ്ങൾക്ക് ശേഷമാണ് ഫ്രാൻസ് തങ്ങളുടെ പടക്കപ്പലിനെ ഇന്തോ-പസഫിക് മേഖലയിലേക്ക് അയക്കുന്നത്.

ഗോവ തീരത്ത് ഇന്ത്യൻ നാവികസേനയ്‌ക്കൊപ്പം വരുണ നാവികാഭ്യാസത്തിൽ ഫ്രഞ്ച് കപ്പൽപ്പടയും പങ്കെടുക്കും. പ്രദേശത്ത് സമുദ്ര സുരക്ഷ ശക്തമാക്കുകയാണ് ഈ നാവികാഭ്യാസത്തിൻ്റെ ലക്ഷ്യം.
ചാൾസ് ഡി ഗല്ലിൽ റാഫേൽ യുദ്ധവിമാനങ്ങൾ നിലയുറപ്പിച്ചിട്ടുണ്ട്, അവയ്ക്ക് ആണവ ആക്രമണം നടത്താനുള്ള ശേഷിയുണ്ടെന്നാണ് വിവരം. ഇന്തോ-പസഫിക് മേഖലയിൽ ആധിപത്യം നേടാൻ ശ്രമിക്കുന്ന ചൈനയ്ക്ക് ശക്തമായ സന്ദേശം നൽകാനാണ് ഫ്രാൻസ് തങ്ങളുടെ കാരിയർ സ്ട്രൈക്ക് ഗ്രൂപ്പിനെ മേഖലയിലേക്ക് അയച്ചതെന്ന് അന്താരാഷ്ട്ര വിദഗ്ദർ അഭിപ്രായപ്പെടുന്നു.