പൊലീസിന് നേരെ കഞ്ചാവ് സംഘത്തിൻറെ ആക്രമണം ;രണ്ടു പേർ പിടിയിൽ ;തോക്കും ആയുധങ്ങളും കണ്ടെടുത്തു

തിരുവനന്തപുരം: തിരുവനന്തപുരം കരമനയിൽ പൊലീസിന് നേരെ കഞ്ചാവ് സംഘത്തിൻറെ ആക്രമണം. പരിശോധനയ്ക്കായി ഫ്ലാറ്റിലെത്തിയ പൊലീസിനു നേരെ കഞ്ചാവ് സംഘം നാടൻ പടക്കം എറിയുകയായിരുന്നു. ഇവരോടൊപ്പം തോക്കും ആയുധങ്ങളും കണ്ടെടുത്തിട്ടുണ്ട്. ഫ്ലാറ്റ് കേന്ദ്രീകരിച്ച് പ്രവർത്തിച്ച് വരികയായിരുന്ന കഞ്ചാവ് സംഘത്തിലെ രണ്ട് പേർ പൊലീസ് പിടിയിലായി.

കരമന സ്വദേശികളായ ലജീഷ്, കൃഷ്ണ എന്നിവരാണ് പിടിയിലായത്. ലജീഷി്നറെ പേരിലാണ് കരമനയിലെ ലോഡ്ജിൽ മുറിയെടുത്തിരുന്നത്. പൊലീസിനെ ആക്രമിച്ച് പ്രതികളിൽ രണ്ട് പേർ രക്ഷപ്പെട്ടു. നാർക്കോട്ടിക് സെൽ അസി. കമീഷണറുടെ നേതൃത്വത്തിലായിരുന്നു ഫ്ലാറ്റിൽ റെയ്ഡ് നടത്തിയത്.