ഇന്ന് നബിദിനം; ആശംസകൾ നേർന്ന് രാഷ്ട്രപതിയും, പ്രധാനമന്ത്രിയും

ഇന്ന് നബിദിനം (Nabidinam). സംസ്ഥാനത്ത് പള്ളികളും മദ്രസകളും കേന്ദ്രീകരിച്ചാണ് ആഘോഷങ്ങള്‍ നടക്കുന്നത്.
കോവിഡ് മഹാമാരിയുടെ പശ്ചാത്തലത്തിൽ പ്രോട്ടോക്കോളുകള്‍ പാലിച്ചാണ് ആഘോഷങ്ങൾ പുരോഗമിച്ചുകൊണ്ടിരിക്കുന്നത്. നബിദിനത്തിൽ ഇസ്ലാമിക വിശ്വാസികൾക്ക് ആശംസകൾ നേർന്നിരിക്കുകയാണ് രാഷ്‌ട്രപതി രാംനാഥ് കോവിന്ദും, പ്രധാനമന്ത്രി നരേന്ദ്ര മോദിയും

സമൂഹത്തിന്റെ പുരോഗതിയ്‌ക്കായി നബിയുടെ ജീവിതവും ആശയവും പ്രചോദനമാകട്ടെയെന്ന് രാഷ്‌ട്രപതി രാംനാഥ് കോവിന്ദ് പറഞ്ഞു. ട്വിറ്ററിലൂടെയാണ് അദ്ദേഹം നബിദിന ആശംസകൾ നേർന്നത്. എല്ലാവർക്കും, പ്രത്യേകിച്ച് മുസ്ലീം സഹോദരി-സഹോദരന്മാർക്ക് നബിദിന ആശംസകൾ. രാജ്യത്തിന്റെ സമൃദ്ധിയ്‌ക്കും, സാഹോദര്യവും, സമാധാനവും കാത്തു സൂക്ഷിക്കുന്നതിനും നബിയുടെ ജീവിതവും സന്ദേശവും പ്രചോദനമാകട്ടെ- രാംനാഥ് കോവിന്ദ് ട്വീറ്റ് ചെയ്തു.

പ്രധാനമന്ത്രി നരേന്ദ്ര മോദിയും നബിദിന ആശംസകൾ നേർന്നിട്ടുണ്ട്. അദ്ദേഹത്തിനെ ട്വീറ്റിന്റെ പൂർണ്ണരൂപം:

“എല്ലാവർക്കും നബിദിന ആശംസകൾ. ഈ ദിനത്തിൽ എല്ലായിടത്തും സമൃദ്ധിയും സമാധാനവും ഉണ്ടാകട്ടെ, സഹാനുഭൂതിയുടെയും, സാഹോദര്യത്തിന്റെയു മേന്മകൾ പ്രബലമാകട്ടെ-” എന്ന് പ്രധാനമന്ത്രി ട്വിറ്ററിൽ കുറിച്ചു.