ഡോളർ കടത്ത് കേസിൽ നിർണ്ണായക മൊഴി പുറത്ത് | Gold Smuggling

മുഖ്യമന്ത്രി പിണറായി വിജയന്‍ വിദേശ കറന്‍സി കടത്തിയെന്ന് നിർണ്ണായക മൊഴി പുറത്തുവന്നിരിക്കുകയാണ്. സ്വപ്ന സുരേഷും സരിത്തുമാണ് ഇത്തരത്തിൽ നിർണ്ണായക മൊഴി നൽകിയിരിക്കുന്നത്. ഡോളർ കടത്ത് കേസിലെ ഷോക്കോസ് നോട്ടീസിലാണ് കസ്റ്റംസ് സ്വപ്നയുടെ മൊഴി ചേർത്തിട്ടുള്ളത്. മുഖ്യമന്ത്രി പിണറായി വിജയനു​ം സ്​പീക്കർ ശ്രീരാമകൃഷണനും വേണ്ടി വിദേശ കറൻസി കടത്തിയിട്ടുണ്ടെന്നാണ് ​ സ്വർണകടത്തു ​േകസ്​ പ്രതി സ്വപ്​നയുടെയും സരിത്തിന്റെയും മൊഴി​.

2017 ലെ മുഖ്യമന്ത്രിയുടെ യു.എ.ഇ യാത്രയോടനുബന്ധിച്ച്​​ വിദേശകറൻസി കടത്തിയിട്ടുണ്ടെന്ന്​​ സ്വപ്​നയുടെ മൊഴിയിലുണ്ട്​. മുഖ്യമന്ത്രി യു.എ.ഇയിൽ എത്തിയ ശേഷം പ്രിൻസിപ്പിൽ സെക്രട്ടറി ശിവശങ്കർ സ്വപ്​നയെ ഫോണിൽ വിളിച്ച്​ ഒരു പാക്കറ്റ്​ മുഖ്യമന്ത്രിക്ക്​ എത്തിക്കേണ്ടതുണ്ടെന്ന്​ അറിയിക്കുകയായിരുന്നു. ഈ പാക്കറ്റ്​ കോൺസുലേറ്റിലെ അഡ്​മിൻ അറ്റാഷെയായ അഹമ്മദ്​ അൽദൗഖി നേരിട്ട്​ യു.എ.ഇയിൽ എത്തിക്കുകയായിരുന്നുവെന്നാണ്​ സ്വപ്​നയുടെ മൊഴി.