ഹമ്മയുടെ ഓണപ്പെരുമ: നെതർലാൻഡ്സ് മലയാളികൾക്ക് വർണശബള മഹോത്സവം

ഹോഫ് ഡോർപ്പ് : ഹാർലമർമീർ മലയാളി അസോസിയേഷൻ സെപ്റ്റംബർ 14 ന് ഞായറാഴ്ച ഓണാഘോഷ പരിപാടികൾ സംഘടിപ്പിച്ചു .ഇവന്റ് സെൻറർ ഫോക്കറിൽ വമ്പിച്ച ജനാവലിയാണ് ഓണാഘോഷത്തിൽ പങ്കെടുത്തത്. രാവിലെ 9.30-ന് പരിപാടി ആരംഭിച്ചു . വിവിധ കലാപരിപാടികളും, കളികളും സൗഹൃദ സംഗമങ്ങളും ഒക്കെയായി കുടുംബസമേതം പങ്കെടുത്തവരുടെ ഹൃദയങ്ങളിൽ ആനന്ദം തുളുമ്പി . ഹമ്മയുടെ മൂന്നാമത്തെ ഓണാഘോഷം ആയതിനാൽ, മുൻ വർഷങ്ങളിലെ പോലെ തന്നെ ഭംഗിയും ആവേശവും പ്രകടമായിരുന്നു.കുട്ടികൾക്കും മുതിർന്നവർക്കുമായി ഒരുക്കിയ വിനോദങ്ങളോടൊപ്പം, കലാ-സാംസ്കാരിക അവതരണങ്ങൾ ഉണ്ടായിരുന്നു .

പുരുഷന്മാർ, സ്ത്രീകൾ, കുട്ടികൾ എന്നിവർ അവതരിപ്പിച്ച മനോഹരമായ നൃത്തങ്ങളും മറ്റു കലാപരിപാടികളും അരങ്ങിനെ ആവേശം ഉണർത്തി.നിലവിളക്ക് കൊളുത്തി തുടങ്ങിയ ചടങ്ങിൽ, മഹാബലിയുടെ വരവും കലാപരിപാടികകളുടെ മാറ്റുകൂട്ടി . തുടർന്ന് വേദിക്ക് പുറത്തു നടന്ന വടംവലി മത്സരം പരിപാടി ആവേശവും പകർന്നു.

200-ഓളം പേരാണ് പേരാണ് ഹമ്മ നടത്തിയ മൂന്നാം ഓണാഘോഷത്തില്‍ പങ്കെടുത്തത് . നാട്ടിൽ നിന്ന് കുടുംബങ്ങളെ സന്ദർശിക്കാൻ വന്നിരുന്ന നിരവധി മുതിർന്നവരുടെ സാന്നിധ്യം പരിപാടിയുടെ മാറ്റു കൂട്ടി . ഉച്ചക്ക് ഓണസദ്യയും , വൈകുന്നേരം ചായയും കേരളത്തിന്റെ പരമ്പരാഗത പലഹാരങ്ങളും ഉണ്ടായിരുന്നു . ആഘോഷം സമാപിച്ചപ്പോൾ , അടുത്ത വർഷം ഇനിയും കൂടുതൽ സന്തോഷത്തോടും ആവേശത്തോടും കൂടി ഒത്തു ചേരാം എന്ന വാഗ്ദാനത്തോടെയാണ് പിരിഞ്ഞത് .