happy birthday adoor gopalakrishnan
മലയാള സിനിമയെ വിശ്വത്തോളം ഉയര്ത്തിയ വിഖ്യാത ചലച്ചിത്രകാരന് അടൂര് ഗോപാലകൃഷ്ണന്് ഇന്ന് എണ്പതാം പിറന്നാള്. സ്വന്തം ജീവിതം സിനിമയ്ക്ക് വേണ്ടി ഉഴിഞ്ഞ് വെച്ച അടൂരിലെ പോലെ ഒരു ചലച്ചിത്രകാരന് ഇന്ത്യന് സിനിമയില് തന്നെ അപൂര്വ്വമാണ്. പൂനാ ഫിലിം ഇന്സ്റ്റിറ്റ്യൂട്ടിലെ സിനിമാ പഠനം പൂര്ത്തിയാക്കി നാട്ടില് തിരിച്ചെത്തിയ അദ്ദേഹം ആദ്യകാലത്ത് നിരവധി ശ്രദ്ധേയങ്ങളായ ഡോക്യുമെന്ററികള് ചെയ്തിരുന്നു. അടൂരിന്റെ ആദ്യ ചിത്രമായ സ്വയംവരം നിരവധി ദേശീയ അന്തര്ദേശീയ അംഗീകാരങ്ങളാണ് വാരിക്കൂട്ടിയത്. അന്ന് വരെ കച്ചവട സിനിമയുടെ ഭാഗമായിരുന്ന മധുവിനും ശാരദക്കും എല്ലാം അഭിനയത്തിന്റെ പുതിയൊരു തലം നല്കാന് ഈ ചിത്രം ഏറെ സഹായിച്ചു. പിന്നീട് അടൂര് സംവിധാനം ചെയ്ത കൊടിയേറ്റം ലോക സിനിമയില് തന്നെ ഏറെ ശ്രദ്ധ നേടിയ ചിത്രമായി മാറി. മലയാള സിനിമയുടെ അഭിമാനമായ നടന് ഗോപിയ്ക്ക് മികച്ച നടനുള്ള ദേശീയ പുരസ്ക്കാരവും കൊടിയേറ്റം നേടിക്കൊടുത്തു.
അടൂരിന്റെ മറ്റൊരു ചിത്രമായ മുഖാമുഖവും നിരവധി പുരസ്ക്കാരങ്ങള് നേടിയിട്ടുണ്ട്. തുടര്ന്ന് അദ്ദേഹം ഒരുക്കിയ അനന്തരം എന്ന ചിത്രം ഒരു ചെറുപ്പക്കാരന്റെ മനസിലെ അബോധ തലങ്ങളിലെ സംഘര്ഷങ്ങളുടെ മികവുറ്റ ചിത്രീകരണമായി മാറി. വൈക്കം മുഹമ്മദ് ബഷീറിന്റെ വിഖ്യാതമായ കൃതി മതിലുകളും അടൂര് ചലച്ചിത്രമാക്കി. മമ്മൂട്ടിയുടെ അഭിനയ ജീവിതത്തിലെ ഏറ്റവും മികച്ച കഥാപാത്രങ്ങളില് ഒന്നാണിത്. പിന്നീട് വന്ന വിധേയനും , നാല് പെണ്ണുങ്ങളും നിഴല്ക്കുത്തുമെല്ലാം നിരവധി പുരസ്ക്കാരങ്ങള് നേടിയിരുന്നു. എലിപ്പത്തായം എന്ന അടൂര് ചിത്രം ലോകസിനിമയിലെ തന്നെ ഏറ്റവും മികച്ച ചിത്രങ്ങളില് ഒന്നായിട്ടാണ് ഇന്നും കണക്കാക്കപ്പെടുന്നത്. രാജ്യം അദ്ദേഹത്തിന് ദാദാസാഹിബ് ഫാല്ക്കേ പുരസ്ക്കാരവും പത്മവിഭൂഷണും നല്കി ആദരിച്ചിട്ടുണ്ട്. കേരള സര്ക്കാരിന്റെ ചലച്ചിത്ര അക്കാദമിയുടെ ചെയര്മാന് പദവിയും അദ്ദേഹം അലങ്കരിച്ചിട്ടുണ്ട്. അടൂര് ഗോപാലകൃഷ്ണന് തത്വമയി ന്യൂസിന്റെ പിറന്നാള് ആശംസകള്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
മലപ്പുറത്തെ മഴക്കെടുതിയും പ്രളയവും വിലയിരുത്താന് മുഖ്യമന്ത്രി നടത്തിയ യാത്രയ്ക്കായി ഉപയോഗിച്ച ചാര്ട്ടേഡ് വിമാനത്തിന് ജി.എസ്.ടി ഉള്പ്പെടെ 19.88 ലക്ഷം രൂപ…
നേപ്പാളിലും ടിബറ്റിലും അടുത്തിടെ ഉണ്ടായ കനത്ത പ്രളയവും ഉരുള്പൊട്ടലുകളും വലിയൊരു പാരിസ്ഥിതിക ദുരന്തത്തിലേക്കാണ് വിരല് ചൂണ്ടുന്നത്. നൂറുകണക്കിന് ജീവനുകള് നഷ്ടപ്പെടുകയും…
എറണാകുളത്ത് നിന്ന് പോലീസ് റെയ്ഡിനിടെ പിടിച്ചെടുത്ത വിദേശ കറന്സി തിരികെ ആവശ്യപ്പെട്ട് റോയ്സ് ഗ്രൂപ്പ് ഉടമ ആന്റോ അഗസ്റ്റിന് എറണാകുളം…
കേരള രാഷ്ട്രീയത്തില് വലിയ കോളിളക്കം സൃഷ്ടിച്ചിരിക്കുന്ന മാസപ്പടി വിവാദവുമായി ബന്ധപ്പെട്ട് എസ്.എഫ്.ഐ.ഒ (SFIO) കോടതിയില് സമര്പ്പിച്ച രേഖകള് ബി.ജെ.പി നേതാവ്…
ഓണാട്ടുകരയുടെ മണ്ണില് ഇരുപത്തെട്ടാം ഓണത്തിന്റെ ആഘോഷത്തിമിര്പ്പിനിടയില് മറ്റൊരു അത്ഭുതക്കാഴ്ച കൂടി. ഓണാട്ടുകതിരവന്റെ തിരുസന്നിധിക്ക് സമീപമുള്ള ആല്മരത്തില് നന്ദികേശന്റെ രൂപം തെളിഞ്ഞത്…
പത്തനംതിട്ട : ശബരിമലയില് നിന്ന് നഷ്ടപ്പെട്ടെന്ന് കരുതിയ സ്വര്ണക്കിരീടം സുരക്ഷിതമായുണ്ടെന്ന് ദേവസ്വം ബോര്ഡ്. വിഷയത്തില് തിരുവാഭരണം കമ്മീഷണര് ബോര്ഡിന് വിശദീകരണം…