നെടുമ്പാശേരിയിൽ ഹെലികോപ്റ്റർ അപകടം; റൺവേയിലെ നിയന്ത്രണം മാറ്റി ; ആദ്യവിമാനം ലാൻഡ് ചെയ്തു

നെടുമ്പാശേരി : കൊച്ചി രാജ്യാന്തര വിമാനത്താവളത്തിൽ ഹെലികോപ്റ്റർ പരിശീലനപ്പറക്കലിനു തയാറെടുക്കുന്നതിനിടെ റൺവേയിൽ നിന്നു തെന്നിമാറിയുണ്ടായ അപകടത്തെ തുടർന്ന്, വിമാനത്താവളത്തിലെ താൽക്കാലികമായി അടച്ച റൺവേ തുറന്നു .അപകടം നടന്നതിന് ശേഷമുള്ള ആദ്യവിമാനം വിമാനത്താവളത്തിൽ ലാൻഡ് ചെയ്തു. ദില്ലി -കൊച്ചി വിമാനമാണ് ലാൻഡ് ചെയ്തത്.
നേരത്തെ നെടുമ്പാശേരിയിൽ ഇറങ്ങേണ്ടിയിരുന്ന രണ്ടു രാജ്യാന്തര വിമാനങ്ങൾ തിരുവനന്തപുരം വിമാനത്താവളത്തിലേക്കു തിരിച്ചുവിട്ടിരുന്നു. ഇവയും യാത്രക്കാരുമായി തിരികെ നെടുമ്പാശേരിയിൽ തിരികെ വരും എന്നാണ് റിപ്പോർട്ട്

അപകടത്തിൽ ഒരാൾക്കു പരുക്കേറ്റു. 3 പേരായിരുന്നു അപകടത്തിൽപ്പെട്ട ഹെലികോപ്റ്ററിൽ ഉണ്ടായിരുന്നത്. അപകടത്തിൽപ്പെട്ട ഹെലികോപ്റ്റർ റൺവെയിൽ നിന്ന് ക്രയിൻ ഉപയോഗിച്ച് നീക്കി.