കോടികളും ലക്ഷങ്ങളും ഉണ്ടായാല് മാത്രമാണ് ഒരു ബിസിനസ് കെട്ടിപ്പടുക്കാനാകൂവെന്നാണ് പലരുടെയും ധാരണ. എന്നാല് കാര്യങ്ങള് അങ്ങിനെയല്ല. ഒരു സംരംഭത്തിന് ആവശ്യം വേണ്ടത് എപ്പോഴും ഉപഭോക്താക്കളാണ്. അവസരവും ആവശ്യകതയും ഒരുപോലെ തിരിച്ചറിഞ്ഞ് ആരംഭിച്ച ചെറുകിട ബിസിനസുകള് എപ്പോഴും ആല്മരം പോലെ പടര്ന്നുപന്തലിക്കുന്നതാണ് സംരംഭകചരിത്രം. ഗള്ഫിലെ ജോലി ഉപേക്ഷിച്ച് നാട്ടിലെത്തിയ ഒരു യുവാവ് ഈവിധമാണ് തന്റെ ബ ിസിനസ് ജീവിതം കെട്ടിപ്പടുത്തത്. കണ്ണൂരുകാരനായ സിജേഷ് തന്റെ പ്രവാസ ജീവിത അവസാനിപ്പിച്ച് നാട്ടിലെത്തിയത് എന്തെങ്കിലും ബിസിനസ് തുടങ്ങണമെന്ന ചിന്തയിലാണ്.
എന്നാല് എന്തുതുടങ്ങുമെന്നതിനെ കുറിച്ച് ഒരു ധാരണയുമുണ്ടായില്ല. ഒരുദിവസം രാവിലെ പതിവ് പോലെ ബ്രഷ് ചെയ്യാനായി പേസ്റ്റിന് പകരം വീട്ടുകാരോട് ഉമിക്കരി ആവശ്യപ്പെട്ടു സിജേഷ്. അപ്പോഴാണ് പഴയപ്പോലെ നാട്ടിലെങ്ങും ഉമിക്കരി കിട്ടാനില്ലെന്ന് മനസിലായത്. ആവശ്യക്കാരുണ്ടായിട്ടും തനി നാടന് ടൂത്ത് ക്ലീനറായ ഉമിക്കരി എന്തുകൊണ്ട് വിപണിയില് പോലും കിട്ടുന്നില്ലെന്നായി പിന്നീട് ആലോചന. അപ്പോഴാണ് എന്തുകൊണ്ട് ഉമിക്കരി തന്നെ കച്ചവടം ചെയ്തുകൂടാ എന്ന് സിജേഷിന് തോന്നിയത്.
നല്ല ഉപ്പും കുരുമുളകും ഒക്കെ ചേര്ത്ത് ഉമിക്കരി സാമ്പിള് ഡോസ് ഉണ്ടാക്കി. വിചാരിച്ചതിനേക്കാള് മികച്ച പ്രതികരണമാണ് ഉല്പ്പന്നത്തിന് സ്വന്തം വീട്ടുകാരില് നിന്നും ലഭിച്ചത്. ബിസിനസ്സാക്കിയാല് വിജയിക്കുമോ എന്ന് ആശങ്കയുണ്ടായിരുന്നുവെങ്കിലും മുമ്പോട്ട് പോകാന് തന്നെയായി തീരുമാനം. സംരംഭങ്ങള്ക്ക് വേണ്ട സാങ്കേതിക നിര്ദേശങ്ങള് നല്കുന്ന കണ്ണൂരിലെ സംരംഭകരുടെ ‘പോസ്റ്റീവ് കമ്മ്യൂണ്’വാട്സ്ആപ് കൂട്ടായ്മയില് സിജേഷ് കാര്യം അവതരിപ്പിച്ചു.
സാമ്പത്തിക,സാങ്കേതിക കാര്യങ്ങളെ കുറിച്ച് പോസിറ്റീവ് കമ്മ്യൂണ് കൂട്ടായ്മ നല്കിയ മാര്ഗനിര്ദേശങ്ങള് അദേഹത്തിന് തുണയായി. കേരള ഗ്രാമീണ് ബാങ്കില് നിന്നും എട്ടുലക്ഷം രൂപ വായ്പയുമെടുത്ത് ബിസിനസ് ആരംഭിച്ചു. സിജേഷിനൊപ്പം സഹോദരന് ധനേഷും ഭാഗമായതോടെ ബിസിനസ് എളുപ്പത്തില് വളര്ന്നു. എട്ടു ജോലിക്കാരാണ് തുടക്കത്തില് ശാന്തീസിലുണ്ടായിരുന്നത്.പാര്ട് ടൈം ആയിതുടങ്ങിയ ബിസിനസ് ഇന്ന് ഒരു ഫുള്ടൈം സംരംഭമാണ്.ദന്തസംരംക്ഷണത്തിന് ഒരു പ്രകൃതിദത്ത പരിഹാരമെന്ന നിലയില് ഉമിക്കരി ബിസിനസ് വന് വളര്ച്ചയിലെത്തി. കണ്ണൂരില് മാത്രമുണ്ടായിരുന്ന വിപണി ഇന്ന് വളര്ന്ന് പല ജില്ലകളിലേക്കും പടര്ന്നിരിക്കുകയാണ്. മികച്ച ലാഭമാണ് സിജേഷിന് ഇന്ന് മുതല്ക്കൂട്ട്. സംസ്ഥാനമാകമാനമുള്ള വിപണി ലക്ഷ്യമിട്ടാണ് അദേഹത്തിന്റെ പ്രവര്ത്തനം.
കൊച്ചി : പ്ലസ് ടു വിദ്യാര്ഥിനിയോട് അധിക്ഷേപകരമായി സംസാരിച്ചെന്ന പരാതിയില് സസ്പെന്ഷനിലായ കെഎസ്ആര്ടിസി കണ്ടക്ടറുടെ വിശദീകരണം മറ്റൊരു രീതിയില്. കുമ്പളം…
കേരളത്തില് ലഹരി മാഫിയയ്ക്കെതിരെ സര്ക്കാര് ശക്തമായ നടപടികളുമായി മുന്നോട്ട് പോവുകയാണ്. മലപ്പുറം വേങ്ങരയില് വെച്ച് ആഭ്യന്തര മന്ത്രി രമേശ് ചെന്നിത്തല…
ജീവന് രക്ഷാ മരുന്നുകളുടെ അമിതവില നിയന്ത്രിക്കുന്നതിന് സര്ക്കാരിന് നിയമപരമായി തന്നെ ഇടപെടാമെന്ന് വ്യക്തമാക്കിക്കൊണ്ട് കേരള ഹൈക്കോടതി പുറപ്പെടുവിച്ച ഉത്തരവ്, സാധാരണക്കാരായ…
കൊച്ചി ഇടപ്പള്ളി ആസ്ഥാനമായി പ്രവര്ത്തിച്ചിരുന്ന 'ആംസ്റ്റര് ഓവര്സീസ്' (Amster Overseas Pvt Ltd) എന്ന പ്രവാസി/ഇമിഗ്രേഷന് കണ്സള്ട്ടന്സി സ്ഥാപനത്തിന്റെ ഫൗണ്ടറും…
മുഖ്യമന്ത്രി വി ഡി സതീശന്റെ യാത്രകളിലെ പൈലറ്റ്, എസ്കോര്ട്ട് വാഹന വ്യൂഹത്തിന്റെ വലുപ്പം വര്ധിപ്പിക്കാതെ തന്നെ സുരക്ഷാ സംവിധാനം അടിമുടി…
അയല് സംസ്ഥാനങ്ങളിലുണ്ടായ ശക്തമായ മഴയും വെള്ളപ്പൊക്കവും തമിഴ്നാട്, കര്ണാടക തുടങ്ങിയ സംസ്ഥാനങ്ങളിലെ കാര്ഷിക മേഖലയെയും ചരക്കുനീക്കത്തെയും കഠിനമായി ബാധിച്ചതോടെ കേരളത്തില്…