ഞാൻ നിന്നെ പോലെ ഗേ അല്ല! സെക്ഷ്വാലിറ്റിയെ ചോദ്യം ചെയ്ത് അഖിൽ മാരാർ;അഖിലൊരു മെയിൽ ഷോവനിസ്റ്റെന്ന് വിഷ്ണു

ഓരോ ദിവസവും പ്രേക്ഷകരെ ആവേശഭരിതരാക്കിയാണ് ബിഗ്‌ബോസ് സീസണിന്റെ അഞ്ചാം പതിപ്പ് മുന്നേറുന്നത്. അഖിലും നാദിറയും തമ്മിലുള്ള വാശിയേറിയ ക്യാപ്റ്റൻസി പോരാട്ടത്തിനൊടുവിൽ അഖിൽ മാരാർ ബിഗ് ബോസ് സീസൺ അഞ്ചിന്റെ ഒന്നാമത്തെ ക്യാപ്റ്റനായി മാറി. ഇതിനിടയിൽ വിഷ്ണുവും അഖിലും തമ്മിലുണ്ടായ വാക്ക് തർക്കമാണ് ഇപ്പോൾ സോഷ്യൽ മീഡിയയിലെ ചർച്ചാവിഷയം.

ബിഗ്‌ബോസ് വീട്ടിൽ എല്ലാവരും ഒരുമിച്ചിരുന്ന് സംസാരിക്കാറുണ്ട്. അതുപോലെ ഗ്രൂപ്പുകളായി തിരിഞ്ഞു വിശേഷങ്ങൾ പങ്ക് വയ്ക്കുന്നതും പതിവ് കാഴ്ചയാണ്. അഖിൽ മാരാർ തനിക്കൊപ്പമിരുന്ന് എന്തുകൊണ്ടാണ് സംസാരിക്കാത്തതെന്ന് വിഷ്ണു ചോദിച്ചിരുന്നു. ഇതിന് അഖിൽ നൽകിയ മറുപടിയാണ് ഇരുവരും തമ്മിലുള്ള വാക്ക് തർക്കത്തിന് ഇടയാക്കിയത്. നിനക്കൊപ്പം ഇരിക്കാൻ താൻ നിന്നെപ്പോലെ ഗേ അല്ലെന്നായിരുന്നു അഖിൽ മാരാർ വിഷ്ണുവിനോട് മറുപടി പറഞ്ഞത്. ഇതാണ് വിഷ്ണുവിനെ ചൊടിപ്പിക്കാൻ കാരണമായത്. താൻ ഗേ ആവാം ബൈസെക്ഷ്വല്‍ ആവാം ഇതെല്ലാം പറഞ്ഞു തന്നെ കളിയാക്കാൻ അഖിൽ ആരാണെന്നും അഖിൽ ഒരു മെയിൽ ഷോവനിസ്റ്റ് ആണെന്നും വിഷ്ണു പറഞ്ഞു.