“ബംഗാളിൽ ഞങ്ങൾ രക്ഷയില്ലാതെ കുഴങ്ങി !.. നരേന്ദ്രമോദി 3 ദിവസത്തിനുള്ളിൽ നാനോ പദ്ധതിക്കായി ഭൂമി കണ്ടെത്തി കൈമാറിയത് ഒരിക്കലും മറക്കാൻ കഴിയില്ല ..”- വൈറലായി രത്തൻ ടാറ്റയുടെ പഴയ അഭിമുഖം

രാജ്യത്തെ പ്രമുഖ വ്യവസായി രത്തൻ ടാറ്റയുടെ മരണത്തിൽ വിങ്ങുകയാണ് രാജ്യം. പ്രധാനമന്ത്രി നരേന്ദ്ര മോദി അദ്ദേഹത്തിന്റെ നിര്യാണത്തിൽ അഗാധമായ ദുഃഖം രേഖപ്പെടുത്തിയിരുന്നു. ദർശനമുള്ള ഒരു വ്യവസായിയും അസാധാരണ മനുഷ്യനുമായിരുന്നു രത്തനെന്ന് പ്രധാനമന്ത്രി അനുസ്മരിച്ചു.

നരേന്ദ്രമോദി ഗുജറാത്ത് മുഖ്യമന്ത്രിയായിരുന്ന കാലത്താണ് പ്രധാനമന്ത്രിയും രത്തൻ ടാറ്റയും തമ്മിൽ ആഴത്തിലുള്ള ബന്ധം ആരംഭിക്കുന്നത്. 2008ൽ പശ്ചിമ ബംഗാളിലെ പ്രതിഷേധങ്ങൾ കാരണം നാനോ പദ്ധതി പ്രതിസന്ധിയിലായപ്പോൾ പദ്ധതി ഗുജറാത്തിലേക്ക് മാറ്റി സ്ഥാപിക്കാൻ നരേന്ദ്രമോദിയാണ്‌ രത്തൻ ടാറ്റയെ സഹായിച്ചത്.

ഒരു പഴയ അഭിമുഖത്തിൽ, നരേന്ദ്രമോദി ഗുജറാത്തിനെ അഭിവൃദ്ധിപ്പെടുത്താനും സംരംഭങ്ങളെ സ്വാഗതം ചെയ്യാനും ആത്മാർത്ഥമായി പ്രവർത്തിക്കുന്നയാളാണെന്ന് അഭിപ്രായപ്പെട്ടിരുന്നു.

നരേന്ദ്ര മോദിയെ കുറിച്ചുള്ള അദ്ദേഹത്തിൻ്റെ വീക്ഷണങ്ങളെക്കുറിച്ച് ചോദിച്ചപ്പോൾ രത്തൻ ടാറ്റ പറഞ്ഞു: “സിംഗൂരിൽ നിന്ന് ഫാക്ടറികൾ മാറ്റേണ്ടി വന്നപ്പോൾ ഞാൻ ഗുജറാത്ത് മുഖ്യമന്ത്രിയായിരുന്ന നരേന്ദ്രമോദിയെ സമീപിച്ചു. പദ്ധതിക്കായി ഭൂമി അന്വേഷിച്ച ഞങ്ങൾക്ക് അദ്ദേഹം പരിഹാരം കണ്ടെത്തിയ രീതി ഒരിക്കലും മറക്കില്ല. ഫാക്ടറി ഗുജറാത്തിലേക്ക് മാറ്റാൻ അദ്ദേഹം എന്നെ ക്ഷണിച്ചു. ഞങ്ങൾക്ക് ആവശ്യമായ ഭൂമിയുണ്ടെങ്കിൽ ഞങ്ങൾ വരാം എന്ന് ഞാൻ പറഞ്ഞു. മൂന്ന് ദിവസത്തിനുള്ളിൽ നിങ്ങൾക്ക് ആവശ്യമുള്ള ഭൂമി ഞാൻ തരാം എന്ന് അദ്ദേഹം മറുപടി പറഞ്ഞു. കൃത്യം മൂന്നാം ദിവസം രാവിലെ അദ്ദേഹം , രത്തൻജി, ഞാൻ വാഗ്ദാനം ചെയ്ത ഭൂമി എന്ന് പറഞ്ഞ് ഭൂമി കൈമാറുകയായിരുന്നു.” -രത്തൻ ടാറ്റ പറഞ്ഞു. 2017 ൽ അധികാരത്തിൽ മൂന്നാം വർഷം പിന്നിടുന്ന പ്രധാനമന്ത്രി മോദിയുടെ നേതൃത്വത്തെക്കുറിച്ച് തനിക്ക് ശുഭാപ്തി വിശ്വാസമുണ്ടെന്നും അന്ന് രത്തൻ ടാറ്റ പറഞ്ഞിരുന്നു