യു എൻ ജനറൽ അസംബ്ലി ; കശ്മീർ വിഷയത്തിൽ പാകിസ്ഥാന് ശക്തമായ മറുപടി നൽകി ഇന്ത്യ

യു എൻ :ശനിയാഴ്ച്ച നടന്ന യുഎൻ ജനറൽ അസംബ്ലിയിൽ (യുഎൻജിഎ) കശ്മീർ വിഷയത്തിൽ പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫിന് ഇന്ത്യൻ നയതന്ത്രജ്ഞൻ ശക്തമായ മറുപടി നൽകി.

യുഎൻജിഎയിൽ പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫിന്റെ പ്രസ്താവനകൾക്ക് മറുപടി നൽകാനുള്ള ഇന്ത്യയുടെ അവകാശം അവർ നന്നായി വിനിയോഗിച്ചു. പാകിസ്ഥാൻ പ്രധാനമന്ത്രിയുടെ അവകാശവാദങ്ങൾ “സ്വന്തം രാജ്യത്തെ ദുഷ്പ്രവൃത്തികളെ അവ്യക്തമാക്കാനും ഇന്ത്യക്കെതിരായ നടപടികളെ ന്യായീകരിക്കാനും” മാത്രമാണെന്ന് ഫസ്റ്റ് സെക്രട്ടറി മിജിതോ വിനിറ്റോ പറഞ്ഞു.

“ഇന്ത്യയ്‌ക്കെതിരെ തെറ്റായ ആരോപണങ്ങൾ ഉന്നയിക്കാൻ പാക് പ്രധാനമന്ത്രി ഈ സമ്മേളനത്തിന്റെ വേദി തിരഞ്ഞെടുത്തതിൽ ഖേദമുണ്ട്. സ്വന്തം രാജ്യത്തെ ദുഷ്പ്രവൃത്തികളെ താഴ്ത്താനും ഇന്ത്യക്കെതിരായ നടപടികളെ ന്യായീകരിക്കാനുമാണ് അദ്ദേഹം അങ്ങനെ ചെയ്തത്,” യുഎൻജിഎയിൽ മിജിറ്റോ വിനിറ്റോ പറഞ്ഞു.

പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ്, ഉന്നതതല യുഎൻ ജനറൽ അസംബ്ലി (യുഎൻജിഎ) സെഷനിൽ നടത്തിയ പ്രസംഗത്തിൽ, കശ്മീർ പ്രശ്‌നം ഉയർത്തിക്കാട്ടുകയും, സമാധാനത്തിന്റെ സാധ്യതകളെ കൂടുതൽ ദുർബലപ്പെടുത്തുകയും പ്രാദേശിക സംഘർഷങ്ങൾ ആളിക്കത്തിക്കുകയും ചെയ്തു.

“അയൽക്കാരുമായി സമാധാനം ആഗ്രഹിക്കുന്നുവെന്ന് അവകാശപ്പെടുന്ന ഒരു രാഷ്ട്രീയം ഒരിക്കലും അതിർത്തി കടന്നുള്ള ഭീകരതയെ സ്പോൺസർ ചെയ്യുകയോ ഭയാനകമായ മുംബൈ ഭീകരാക്രമണത്തിന്റെ ആസൂത്രകർക്ക് അഭയം നൽകുകയോ ചെയ്യില്ല,” മിജിതോ വിനിറ്റോ കൂട്ടിച്ചേർത്തു.