ലോകത്തെ ഞെട്ടിച്ച് ഭാരതം ആർഡിഇ സാങ്കേതിക വിദ്യ ഇനി നമുക്കും സ്വന്തം

ഇന്ത്യൻ വിമാന നിർമ്മാണ സങ്കേതികവിദ്യയിലും പ്രതിരോധ മേഖലയിലും വലിയൊരു വിപ്ലവത്തിന് വഴിതുറന്നുകൊണ്ടാണ് അടുത്തിടെ രാജ്യത്തെ ഒരു സ്വകാര്യ പ്രതിരോധ സ്റ്റാർട്ടപ്പ് കമ്പനി തങ്ങളുടെ നിർണ്ണായക നേട്ടം കൈവരിച്ചത്. ഐഐടി മദ്രാസ് ഇൻക്യൂബേറ്റ് ചെയ്ത ഡി-പ്രൊപ്പൽസ് (D-Propulse) എന്ന കമ്പനി, തദ്ദേശീയമായി വികസിപ്പിച്ചെടുത്ത 5 കിലോന്യൂട്ടൺ (5 kN) എയർ-ബ്രീത്തിംഗ് റൊട്ടേറ്റിംഗ് ഡിറ്റണേഷൻ എൻജിൻ (RDE) വിജയകരമായി പരീക്ഷിച്ചു. ഡിആർഡിഒയുടെ പ്രമുഖ ടെസ്റ്റ് ഫെസിലിറ്റിയിൽ വെച്ച് നടന്ന ഈ പരീക്ഷണം വിജയിച്ചതോടെ, ഇന്ത്യയുടെ പ്രതിരോധ സാങ്കേതികവിദ്യ ഒരു പുതിയ യുഗത്തിലേക്ക് പ്രവേശിച്ചിരിക്കുകയാണ്. തദ്ദേശീയമായ എയർ-ബ്രീത്തിംഗ് പ്രൊപ്പൽഷൻ രംഗത്ത് ഇന്ത്യ സ്വന്തമാക്കിയ ഈ നേട്ടം, ഭാവിയിലെ ക്രൂയിസ് മിസൈലുകൾക്കും ഉയർന്ന വേഗതയുള്ള അൺമാൻഡ് ഏരിയൽ വെഹിക്കിളുകൾക്കും (UAV) പുതിയൊരു കരുത്തായി മാറും. പരമ്പരാഗതമായി ഉപയോഗിച്ചുവരുന്ന ഗ്യാസ് ടർബൈൻ എൻജിനുകളിൽ നിന്നും റാംജെറ്റ് എൻജിനുകളിൽ നിന്നും തികച്ചും വ്യത്യസ്തമായ പ്രവർത്തനരീതിയാണ് റൊട്ടേറ്റിംഗ് ഡിറ്റണേഷൻ എൻജിനുകളിൽ കാണാൻ കഴിയുന്നത്. സാധാരണ എൻജിനുകളിൽ ഇന്ധനം സാവധാനം കത്തി തീരുന്ന പ്രക്രിയയാണെങ്കിൽ, ആനുലാർ കംബഷൻ ചേമ്പറിലൂടെ അതിവേഗത്തിൽ സഞ്ചരിക്കുന്ന സ്ഫോടനാത്മകമായ തരംഗങ്ങൾ (Detonation Waves) ഉപയോഗിച്ചാണ് ഇത്തരം എൻജിനുകളിൽ ഊർജ്ജം ഉത്പാദിപ്പിക്കുന്നത്. ഇത് എൻജിന്റെ താപഗതിക ശേഷി അഥവാ തെർമോഡൈനാമിക് എഫിഷ്യൻസി ഗണ്യമായി വർദ്ധിപ്പിക്കുന്നു. തൽഫലമായി, കുറഞ്ഞ അളവിൽ ഇന്ധനം ഉപയോഗിച്ച് കൂടുതൽ ത്രസ്റ്റ് അല്ലെങ്കിൽ മുന്നോട്ടുള്ള തള്ളൽ ശക്തി നിർമ്മിക്കാൻ സാധിക്കുന്നു. ഇതിലൂടെ വിമാനങ്ങളുടെയും മിസൈലുകളുടെയും ഭാരം കുറയ്ക്കാനും കൂടുതൽ ദൂരത്തേക്ക് കൂടുതൽ സമയം പറക്കാനും കഴിയുന്ന സാഹചര്യം ഒരുങ്ങുന്നു. #dpropulse #rde #rotatingdetonationengine #iitmadras #drdo #indiasdefence #atmanirbharbharat #indigenousdefencetech #aerospacetechnology #cruisemissile #uavtech #propulsionsystems #defencestartup #makeinindia #indianmilitary #tatwamayinews