മസൂദ് അസറിനെ ആഗോളഭീകരനായി പ്രഖ്യാപിക്കാന്‍ ഐക്യരാഷ്ട്രസഭയില്‍ സമ്മര്‍ദ്ദം ശക്തമാക്കി ഇന്ത്യ

ദില്ലി; ജയ്ഷ്-ഇ-മുഹമ്മദ് തലവന്‍ മസൂദ് അസറിനെ ആഗോളഭീകരനായി പ്രഖ്യാപിക്കാന്‍ ഐക്യരാഷ്ട്രസഭയില്‍ സമ്മര്‍ദ്ദം ശക്തമാക്കി ഇന്ത്യ. മസൂദ് അസറിനെ ആഗോളഭീകരനായി പ്രഖ്യാപിക്കാനുളള പ്രമേയം ഐക്യരാഷ്ട്രസഭ സുരക്ഷാസമിതിയില്‍ വരാനിരിക്കെയാണ് ഇന്ത്യ നിലപാട് വീണ്ടും കടുപ്പിച്ചത്.

പ്രമേയത്തില്‍ നിലപാട് അറിയിക്കാനുള്ള സമയം ബുധനാഴ്ച അവസാനിക്കും. യു.എസ് സ്റ്റേറ്റ് സെക്രട്ടറി മൈക്കല്‍ ആര്‍ പോംപെയുമായി വാഷിംഗ്ടണില്‍ കൂടിക്കാഴ്ച നടത്തിയ വിദേശകാര്യ സെക്രട്ടറി വിജയ് ഗോഖലെ അമേരിക്കയുടെ പിന്തുണ ഉറപ്പാക്കി.

സൗദി മന്ത്രി ആഡെല്‍ അല്‍-ജുബൈറുമായി പ്രധാനമന്ത്രി നരേന്ദ്ര മോദിയും വിദേശകാര്യമന്ത്രി സുഷമ സ്വരാജും കൂടിക്കാഴ്ച നടത്തി. സൗദി കിരീടവകാശി മുഹമ്മദ് ബിന്‍ സെയ്ദ് അല്‍ നഹ്യാന്‍, തുര്‍ക്കി പ്രസിഡന്‍റ് തയിപ് എര്‍ദോഗാന്‍ എന്നിവരുമായി പ്രധാനമന്ത്രി ഇന്നലെ ടെലഫോണില്‍ സംസാരിച്ചു.

പ​ത്തു​വ​ര്‍​ഷ​ത്തി​നി​ടെ നാ​ലാം​ത​വ​ണ​യാ​ണ് അ​സ്ഹ​റി​നെ ആ​ഗോ​ള​ഭീ​ക​ര​നാ​യി പ്ര​ഖ്യാ​പി​ക്ക​ണ​മെ​ന്ന ആ​വ​ശ്യം ഉ​യ​രു​ന്ന​ത്. മുമ്പ് മൂ​ന്നു ത​വ​ണ​യും ചൈ​ന​യു​ടെ എ​തി​ര്‍​പ്പു കാ​ര​ണം പ്ര​മേ​യം പാ​സാ​ക്കാ​നാ​യി​ല്ല. യു​എ​ന്നി​ല്‍ ഇ​ന്ത്യ പല​ത​വ​ണ ആ​വ​ശ്യ​പ്പെ​ട്ടി​രു​ന്ന ഈ​യാ​വ​ശ്യം പു​ല്‍​വാ​മ ഭീ​ക​രാ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് ആ​വ​ര്‍​ത്തി​ച്ചി​രി​ക്കു​ന്ന​ത്. ആ​ഗോ​ള ഭീ​ക​ര​നാ​യി പ്ര​ഖ്യാ​പി​ച്ചാ​ല്‍ മ​സൂ​ദ് അ​സ​റി​ന് ആ​ഗോ​ള യാ​ത്രാ​വി​ല​ക്ക് നേ​രി​ടേ​ണ്ടി​വ​രും. സ്വ​ത്തു​ക്ക​ള്‍ മ​ര​വി​പ്പി​ക്കു​മെ​ന്ന​തി​നു പു​റ​മേ ആ​യു​ധ​വി​ല​ക്കും ഉ​ണ്ടാ​കും.