ലോക രാജ്യങ്ങളിൽ വൻ പ്രചാരമുള്ള ഇന്നർ എഞ്ചിനീയറിംഗ് പ്രോഗ്രാമുകൾ ആദ്യമായി മലയാളത്തിലും ലഭ്യമാക്കി ഈശ ഫൌണ്ടേഷൻ; ക്ലാസ്സുകൾക്കായുള്ള രജിസ്‌ട്രേഷൻ ആരംഭിച്ചു

ലോക രാജ്യങ്ങളിൽ പ്രശസ്തമായ ഇന്നർ എഞ്ചിനീയറിംഗ് പ്രോഗ്രാം ഇനി കേരളത്തിലും. ലോക രാജ്യങ്ങളിൽ വൻ പ്രചാരമുള്ള പ്രോഗ്രാം ഈശ ഫൌണ്ടേഷനാണ് കേരളക്കരയിലേക്കും കൊണ്ട് വരുന്നത്. മലയാള ഭാഷയിലാകും പ്രോഗ്രാം എന്നത് എടുത്ത് പറയേണ്ട പ്രത്യേകതയാണ്. ഇതാദ്യമായാണ് മലയാളത്തിൽ ഈശ ഫൌണ്ടേഷന്റെ പ്രോഗ്രാം നടക്കുന്നത്. മെയ്‌ 31 മുതൽ ജൂൺ 6 വരെ സംഘടിപ്പിയ്ക്കുന്ന ക്‌ളാസ്സുകൾ കേരളത്തിൽ ഈശയുടെ 10 പ്രാദേശിക സെന്ററുകളിൽ വച്ചാകും നടക്കുക . ഏഴ് ദിവസങ്ങളായി രാവിലെയും വൈകിട്ടും 6 മുതൽ 9 വരെയുള്ള സെഷനുകളാണ് ഉണ്ടാവുക.

മാനസിക പിരിമുറുക്കം, വിട്ടു മാറാത്ത ആരോഗ്യ പ്രശ്നങ്ങൾ, ശ്രദ്ധ കുറവ് എന്നിവയ്ക്കെതിരെ ഇന്നർ എഞ്ചിനീയറിംഗ് പ്രോഗ്രാം ഫലപ്രദമാണെന്ന് നിരവധി പഠനങ്ങൾ തെളിയിച്ചിട്ടുണ്ട്. ഇന്നർ എഞ്ചിനീയറിംഗ്, യോഗ ശാസ്ത്രത്തിൽ നിന്നും രൂപം കൊണ്ട ഒരു സാങ്കേതിക വിദ്യയാണ്. ഒരു വ്യക്തിയുടെ എല്ലാ തലങ്ങളിലുമുള്ള വളർച്ചയ്ക്ക് വേണ്ടി ചിട്ടപ്പെടുത്തിയിട്ടുള്ള പരിപാടി ആണിത്. ഇത് ജീവിതത്തെയും ജോലിയെയും ചുറ്റുമുള്ള ലോകത്തെയും,തീർത്തും നവീനമായ രീതിയിൽ കാണാനും അനുഭവിക്കാനും പ്രാപ്തമാക്കുന്നു. മാത്രമല്ല സ്വയം പരിവർത്തനത്തിനുള്ള അടിത്തറയും പ്രദാനം ചെയ്യുന്നു.

രജിസ്റ്റർ ചെയ്യാൻ http://isha.co/kerala എന്ന വെബ് സൈറ്റ് സന്ദര്ശിക്കുകയോ കൂടുതൽ വിവരങ്ങൾക്ക്
80780 70345 എന്നാ നമ്പറിൽ ബന്ധപ്പെടുകയോ ചെയ്യാം.