ഇന്ത്യയിൽ പ്രവിശ്യ സ്ഥാപിച്ചതായി ഇസ്ലാമിക് സ്റ്റേറ്റ് അവകാശവാദം

ദില്ലി/ ശ്രീനഗർ : ഇന്ത്യയിൽ തങ്ങളുടെ ആദ്യ പ്രവിശ്യ സ്ഥാപിച്ചെന്ന അവകാശവാദവുമായി ഇസ്ലാമിക് സ്റ്റേറ്റ് രംഗത്ത്. വ്യാഴാഴ്ച ഷോപ്പിയാനിൽ നടന്ന ഏറ്റുമുട്ടലിൽ ഒരു തീവ്രവാദി കൊല്ലപ്പെട്ടെന്ന് പോലീസ് സ്ഥിരീകരണം വന്നതിനുപിന്നാലെയാണ് ഐഎസ് അവകാശവാദവുമായി രംഗത്തുവന്നിരിക്കുന്നത്. ഐ എസ് ബന്ധമുള്ള അമാക്ക് എന്ന വാർത്താ ഏജൻസിയാണ് “Wilayah of Hind” എന്നപേരിൽ ഇന്ത്യയിൽ പ്രവിശ്യ സ്ഥാപിച്ചതായി റിപ്പോർട്ട് ചെയ്തത്. തങ്ങളുടെ ശത്രു രാജ്യങ്ങളുടെ പട്ടികയിൽ ഇന്ത്യ പ്രഥമസ്ഥാത്തുണ്ട് എന്ന സൂചനകൂടിയാണ് ഐഎസ് ഈ പ്രഖ്യാപനത്തിലൂടെ നൽകുന്നത്.
ഇറാഖിലും സിറിയയിലുമായി സ്ഥാപിച്ചിരുന്ന ശക്തികേന്ദ്രങ്ങളിൽനിന്ന് പുറത്താക്കപ്പെട്ടതിന്റെ കുറവ് നികത്താനാകണം ഇന്ത്യയിലെ പ്രവിശ്യ പ്രഖ്യാപനം എന്നാണ് ഈ രംഗത്തെ വിദഗ്‌ധരുടെ വിലയിരുത്തൽ. യഥാർത്ഥ ഭരണം നിലനിൽക്കുന്ന മേഖലയിൽ ഒരു ‘പ്രവിശ്യ’ സ്ഥാപിക്കുക എന്നത് അസംബന്ധം മാത്രമാണ്, എങ്കിലും അത് എഴുതിത്തള്ളരുത് എന്നും എന്നും വിദഗ്ധർ അഭിപ്രയപ്പെടുന്നു. റോയിട്ടേഴ്സ് ആണ് ഇതുസംബന്ധിച്ച വാർത്ത ഇപ്പോൾ പുറത്തുവിട്ടിരിക്കുന്നത്.