പ്രായപൂർത്തിയാകാത്ത പെൺകുട്ടികളുമായി ലൈംഗിക ബന്ധത്തിൽ ഏർപ്പെടാം, ശേഷം കുളിച്ചാൽ മതി;കുട്ടികൾക്ക് വിവാദ പാഠപുസ്തകവുമായി ഇസ്ലാമിക് മദ്രസ ദാറുൽ ഉലൂം ദിയോബന്ദ്

ലക്‌നൗ: വിവാദ പരാമർശങ്ങൾ ഉൾപ്പെടുന്ന പാഠപുസ്തകവുമായി ഇസ്ലാമിക് മദ്രസ ദാറുൽ ഉലൂം ദിയോബന്ദ്. പ്രായപൂർത്തിയാകാത്ത കുട്ടികൾ, മരിച്ചവർ, മൃഗങ്ങൾ എന്നിവയുമായുള്ള ലൈംഗിക ബന്ധത്തെ ന്യായീകരിക്കുകയും പ്രോത്സാഹിപ്പിക്കുകയും ചെയ്യുന്ന തെറ്റായ ആശയങ്ങളടങ്ങിയ പുസ്തകമാണ് മദ്രസ പാഠ്യപദ്ധതിയിൽ ഉൾപ്പെടുത്തിയത്. അതേസമയം, ശക്തമായ പ്രതിഷേധം ഉയർന്നതോടെ പുസ്തകം പിൻവലിച്ചു.

പ്രായപൂർത്തിയാകാത്ത പെൺകുട്ടികളെ ലൈംഗികമായി ചൂഷണം ചെയ്യുന്ന രീതികൾ വിശദീകരിക്കുന്ന മൗലാന അഷ്‌റഫ് അലി തൻവിയുടെ ബഹിഷ്തി സേവാർ എന്ന പുസ്തകം ദാറുൽ ഉലൂം ദയൂബന്ദ് സഹാറൻപൂർ ഫത്‌വ നൽകാനും കുട്ടികളെ പഠിപ്പിക്കാനും ഉപയോഗിച്ചിരുന്നു. തുടർന്ന് ദാറുൽ ഉലൂം ഇസ്ലാമിക് സംഘടനയ്‌ക്കെതിരെ കുട്ടികളുടെ വിദ്യാഭ്യാസ കേന്ദ്രീകൃത സാമൂഹിക സംഘടനയായ ‘മാനുഷി’ നൽകിയ പരാതിയിൽ എൻസിപിസിആർ നടപടി സ്വീകരിച്ചു.

പ്രായപൂർത്തിയാകാത്തവർ, മരിച്ച വ്യക്തികൾ, മൃഗങ്ങൾ എന്നിവരോട് അനുചിതമായ പെരുമാറ്റം അനുവദിക്കുന്ന പഠിപ്പിക്കലുകൾ കുട്ടികൾക്ക് നൽകുന്നതിന് ദാറുൽ ഉലൂം പുസ്തകങ്ങളും മതവിധികളും ഉപയോഗിക്കുന്നുവെന്ന് മാനുഷി ആരോപിച്ചു.

പ്രായപൂർത്തിയാകാത്ത പെൺകുട്ടിയുമായി ശാരീരിക ബന്ധത്തിൽ ഏർപ്പെട്ടതിന് ശേഷം കുളിച്ചാൽ മതിയെന്നായിരുന്നു പുസ്തകത്തിലെ ഒരു ഭാഗം പറയുന്നത്. ദാറുൽ ഉലൂം ദയൂബന്ദിന്റെ വെബ്‌സൈറ്റിൽ പോസ്റ്റ് ചെയ്ത മതപരമായ വിധികളിൽ പരാമർശിച്ചിരിക്കുന്ന നിന്നുള്ള ചില ഭാഗങ്ങളും പരാതിയിൽ നൽകിയിട്ടുണ്ട്.