നിർജലീകരണം മൂലം അസ്വസ്ഥതകൾ; ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു ആശുപത്രിയിൽ, ആരോഗ്യനില തൃപ്തികരം

ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹുവിനെ ആശുപത്രിയില്‍ പ്രവേശിപ്പിച്ചു. ടെല്‍ അവീവിലെ ഷെബ ആശുപത്രിയിലാണ് നെതന്യാഹുവിനെ പ്രവേശിപ്പിച്ചത്. നിര്‍ജലീകരണം കാരണമുണ്ടായ അസ്വസ്ഥതകളെ തുടര്‍ന്നാണ് 75കാരനായ നെതന്യാഹുവിനെ ആശുപത്രിയിലേക്ക് മാറ്റിയതെന്നാണ് റിപ്പോർട്ടുകൾ. അദ്ദേഹത്തിന്റെ ആരോഗ്യനില തൃപ്തമാണെന്നും അധികൃതര്‍ വ്യക്തമാക്കി.

വടക്കന്‍ ഇസ്രയേലിലുള്ള ഗലീലി കടല്‍ തീരത്തെ കടുത്ത വെയിലേറ്റതിനാലാണ് അസ്വസ്ഥതയുണ്ടായത് എന്ന് ബെഞ്ചമിന്‍ നെതന്യാഹു പിന്നീട് വീഡിയോ സന്ദേശത്തില്‍ പറഞ്ഞു. താനിപ്പോള്‍ ആരോഗ്യവാനാണെന്നും അദ്ദേഹം വ്യക്തമാക്കി.