എങ്ങും ‘ജയിലർ’ തരംഗം ! മൂന്ന് ദിനം കൊണ്ട് ചിത്രം നേടിയത് നൂറ് കോടി

രജനികാന്തിനെ നായകനാക്കി നെൽസൻ ദിലീപ്കുമാർ സംവിധാനം ചെയ്ത ജയിലർ ബോക്സോഫീസ് റെക്കോർഡുകൾ തകർത്ത് മുന്നോട്ട് കുതിക്കുന്നു. ആദ്യ മൂന്ന് ദിനങ്ങൾ കൊണ്ട് ചിത്രം നൂറുകോടി ക്ലബ്ബിൽ ഇടംനേടിയിരിക്കുന്നു എന്നാണ് ലഭിക്കുന്ന ഏറ്റവും പുതിയ റിപ്പോർട്ട് . രണ്ടുവർഷത്തെ ഇടവേളയ്ക്ക് ശേഷം തിയേറ്ററുകളിലെത്തുന്ന രജനി ചിത്രത്തിന് വമ്പൻ സ്വീകരണമാണ് ആരാധകർ നൽകിയത്. നിലവിൽ
ഇതുവരെ 109 കോടി രൂപയാണ് തിയേറ്ററിൽ നിന്ന് ചിത്രം സ്വന്തമാക്കിയെന്നാണ് റിപ്പോർട്ടുകൾ സൂചിപ്പിക്കുന്നത്. ആദ്യദിനം 48 കോടിയോളം നേടിയ ചിത്രം രണ്ടാം ദിവസം 25.75 കോടിയും മൂന്നാം ദിവസം 35 കോടിയും നേടി.

സൺ പിക്‌ചേഴ്‌സിന്റെ ബാനറിൽ കലാനിധി മാരൻ നിർമിക്കുന്ന ‘ജയിലർ’ ഓഗസ്റ്റ് 10-നാണ് തിയേറ്ററുകളിൽ എത്തിയത്. മോഹൻലാൽ രജനികാന്തിനൊപ്പം ആദ്യമായി അഭിനയിക്കുന്നു എന്ന പ്രത്യേകതയും ചിത്രത്തിനുണ്ട്. രജനിയുടെ 169-ാം ചിത്രം കൂടിയാണ് ‘ജയിലർ’. മുത്തുവേല്‍ പാണ്ഡ്യന്‍ എന്ന ജയിലറുടെ വേഷമാണ് രജനികാന്ത് എത്തുന്നത്. തമന്ന, രമ്യ കൃഷ്ണൻ, വിനായകൻ, ജാക്കി ഷ്‌റോഫ്, സുനിൽ തുടങ്ങിയ വമ്പൻ താരനിരയാണ് ചിത്രത്തിൽ അണിനിരക്കുന്നത്. അനിരുദ്ധാണ് ചിത്രത്തിന് സംഗീതമൊരുക്കിയത്