Indian-president-election-bjp-meeting
കൊൽക്കത്ത: ബിജെപി ദേശീയ അധ്യക്ഷന് ജെ പി നദ്ദ പശ്ചിമബംഗാളിലേക്ക്. നദ്ദയുടെ ബംഗാള് സന്ദര്ശനം അടുത്തയാഴ്ചയോടെ ഉണ്ടാകുമെന്നാണ് പുറത്തുവരുന്ന വിവരം. സംസ്ഥാനത്തെത്തുന്ന പാര്ട്ടി അധ്യക്ഷന് പാര്ട്ടിയിലെ മുതിര്ന്ന നേതാക്കളുമായി കൂടിക്കാഴ്ച നടത്തും. ഈ മാസം കേന്ദ്ര ആഭ്യന്തര മന്ത്രി അമിത്ഷാ പശ്ചിമ ബംഗാളില് രണ്ട് ദിവസത്തെ സന്ദര്ശനം നടത്തിയിരുന്നു. ബംഗാള് പിടിച്ചെടുക്കാന് ബിജെപി മുതിര്ന്ന നേതാക്കളെ മുന്നിര്ത്തിയാണ് ഇപ്പോഴേ പ്രവര്ത്തനങ്ങള് നടത്തുന്നത്.
മമതാ സര്ക്കാരിന്റെ ഭരണം അവസാനിപ്പിക്കാന് പാര്ട്ടി പ്രവര്ത്തകര്ക്ക് പ്രചോദനമായാണ് ദേശീയ നേതാക്കളുടെ ബംഗാള് സന്ദര്ശനമെന്ന് സൗമിത്ര ഖാന് പറഞ്ഞു. കൂടാതെ കേന്ദ്രനേതൃത്വം ബംഗാള് സന്ദര്ശിക്കുമ്പോള് സംസ്ഥാന ഘടകത്തിലെ പ്രവര്ത്തകര്ക്ക് വലിയ ആത്മവീര്യം ലഭിക്കും. ആഭ്യന്തര മന്ത്രിയുടെ സന്ദര്ശനത്തെ തുടര്ന്നാണ് പ്രവര്ത്തകര്ക്ക് പ്രചോദനമായത്. അതിനുശേഷം അവര് മികച്ച രീതിയില് പ്രവര്ത്തിക്കുന്നുണ്ടെന്നും പശ്ചിമ ബംഗാളിലെ ജനങ്ങളും മമത ബാനര്ജിയെ നീക്കം ചെയ്യാന് ആഗ്രഹിക്കുന്നുവെന്നും നദ്ദയുടെ സന്ദര്ശനത്തിന് ശേഷം പാര്ട്ടി പ്രവര്ത്തകര്ക്ക് കൂടുതല് പ്രചോദനം ലഭിക്കുമെന്നും ബിജെപി സംസ്ഥാന വൈസ് പ്രസിഡന്റ് സൗമിത്ര ഖാന് പറഞ്ഞു.
‘’വരാനിരിക്കുന്ന 2024 ലെ പൊതുതെരഞ്ഞെടുപ്പിനായി നദ്ദ പാര്ട്ടി പ്രവര്ത്തകരുമായി സുപ്രധാന കൂടിക്കാഴ്ചകള് നടത്തും. ജൂണ് 7, 8 തീയതികളിലാകും സന്ദര്ശനം. 2019ലും 2021ലും പാര്ട്ടി പരാജയപ്പെട്ട 100 ബൂത്തുകളിലെങ്കിലും പാര്ട്ടിയുടെ ഓരോ എംപിയും പ്രവര്ത്തിക്കും. അടുത്തിടെ അര്ജുന് സിംഗ് ഉള്പ്പെടെ നിരവധി ബിജെപി നേതാക്കള് പാര്ട്ടി വിട്ട് തൃണമൂല് കോണ്ഗ്രസില് ചേര്ന്നതിനെ കുറിച്ചുള്ള ചോദ്യത്തിന്, നേതാക്കളുടെ ഇത്തരം നീക്കങ്ങള് പാര്ട്ടിയെ ദുര്ബലമാക്കുന്നില്ല”- ബിജെപി സംസ്ഥാന വൈസ് പ്രസിഡന്റ് സൗമിത്ര ഖാന് പറഞ്ഞു. അതേസമയം 2019ലെ തെരഞ്ഞെടുപ്പില് 42 സീറ്റുകളില് ബിജെപിക്ക് 19 സീറ്റുകളാണ് പശ്ചിമ ബംഗാളില് ലഭിച്ചത്. 22 സീറ്റുകള് നേടിയാണ് തൃണമൂല് കോണ്ഗ്രസ് വിജയിച്ചത്.
നമ്മുടെ പരിസരം എത്രത്തോളം വൃത്തിയാകണമെങ്കിലും നമ്മള് സ്വയം തീരുമാനിയ്ക്കണം. വ്യക്തിശുചിത്വം പോലെ തന്നെ പ്രധാനപ്പെട്ടതാണ് പരിസര ശുചിത്വവും. ചില ആളുകള്…
കേരളത്തിന്റെ സാംസ്കാരിക രംഗത്ത് സമാനതകളില്ലാത്ത സംഭാവനകള് നല്കിയ പ്രമുഖ നാടകപ്രവര്ത്തകനും സംഘാടകനും ചലച്ചിത്രകാരനുമാണ് സൂര്യ കൃഷ്ണമൂര്ത്തി. ലോകത്തെ ഏറ്റവും വലിയ…
തിരുവനന്തപുരം : സി എം ആര് എല്-എക്സാലോജിക് സാമ്പത്തിക ഇടപാടുമായി ബന്ധപ്പെട്ട് മുന് മുഖ്യമന്ത്രി പിണറായി വിജയനും മുന്മന്ത്രി പി.എ.…
തിരുവനന്തപുരം : മലപ്പുറത്തെ മഴക്കെടുതി ബാധിത പ്രദേശങ്ങളിലേക്ക് ചാര്ട്ടേഡ് വിമാനത്തില് യാത്ര നടത്തിയതിന് പണം മുടക്കിയത് ആരെന്ന് ഇനിയും മുഖ്യമന്ത്രി…
ഒരു കാലത്ത് മലയാള സിനിമയില് മിന്നിത്തിളങ്ങിയിരുന്ന താരസഹോദരിമാരായിരുന്നു അംബികയും അനുജത്തി രാധയും. ഇരുവരും തുടര്ന്ന് 'എ.ആര്.എസ്. സ്റ്റുഡിയോസ്' എന്ന പേരില്…
തന്റെ റേഞ്ച് റോവറിന് അനുമതിയുണ്ട് അനുമതിയുണ്ട് എന്ന് ഘോരഘോരം വാദിച്ച മന്ത്രി കെ.എം ഷാജിയെ പ്രതിരോധത്തിലാക്കുന്ന ഏറ്റവും പുതിയ വിവരങ്ങളാണ്…