ശബരിമലയിലെ വിശ്വാസ സംരക്ഷണത്തിന് മുന്നിട്ടിറങ്ങിയ കെ സുരേന്ദ്രൻ മറ്റു മതസ്ഥരുടെയും കണ്ണിലുണ്ണി ;സുരേന്ദ്രന്റെ വിജയത്തിനായി അയ്യപ്പന്‌ ക്രൈസ്തവ വിശ്വാസിയുടെ നെയ്യഭിഷേകം

പെരുനാട് :ജാതിമതചിന്തകൾക്കതീതമായി നിലകൊള്ളുന്ന അയ്യപ്പസ്വാമിയുടെ ആചാരസംരക്ഷണത്തിന് മുന്നിട്ടിറങ്ങിയ പത്തനംതിട്ടയിലെ എന്‍ഡിഎ സ്ഥാനാര്‍ത്ഥി കെ സുരേന്ദ്രന്റെ വിജയത്തിനായി റാന്നി പെരുനാട് കക്കാട്ട് കോയിക്കല്‍ ശ്രീധര്‍മ്മശാസ്താ ക്ഷേത്രത്തില്‍ ക്രൈസ്തവ വിശ്വാസിയുടെ നെയ്യഭിഷേകം. വടശേരിക്കര സ്വദേശി ജോസഫ് താന്നിക്കല്‍ ഇടിക്കുളയാണ് സുരേന്ദ്രന്റെ വിജയത്തിനായി നെയ്യഭിഷേകം വഴിപാടായി നടത്തിയത്.

ഏത് മത വിശ്വാസിക്കും അവന്റെ വിശ്വാസം സംരക്ഷിക്കപ്പെടുവാന്‍ കെ സുരേന്ദ്രന്റെ വിജയം അനിവാര്യമാണന്നും , ഈശ്വരവിശ്വാസികളായവര്‍ക്കും അയ്യപ്പ വിശ്വാസങ്ങള്‍ സംരക്ഷിക്കുവാന്‍ ത്യാഗങ്ങള്‍ നേരിടേണ്ടി വന്നവര്‍ക്കും മറ്റ് മതസ്ഥരുടെ വിശ്വാസങ്ങളുടെ വിലയും തീഷ്ണതയും മനസിലാക്കുവാന്‍ കഴിയൂ എന്നുമാണ് ജോസഫ് ഇടിക്കുളയുടെ അഭിപ്രായം.

ക്രൈസ്തവ വിശ്വാസ പ്രകാരം താന്‍ സുരേന്ദ്രന്റ വിജയത്തിനായി പള്ളികളിൽ നടത്തുന്ന പ്രാര്‍ത്ഥനകള്‍ക്കൊപ്പമാണ് അയ്യപ്പന് നെയ്യഭിഷേകവും നടത്തിയത്. ശബരിമല ദര്‍ശനം നടത്തിയിട്ടുള്ള ജോസഫ് ഇടിക്കുള ഇപ്പോള്‍ ശബരിമല നടയടച്ചിരിക്കുന്നതിനാലാണ് ശബരിമലയുമായി ഏറെ ബന്ധമുള്ള, ശബരിമല അയ്യപ്പന്റെ തിരുവാഭരണം ചാര്‍ത്തുന്ന പെരുനാട് കക്കാട്ട് കോയിക്കല്‍ ശ്രീധര്‍മ്മ ശാസ്താ ക്ഷേത്രം തന്നെ നെയ്യഭിഷേകവഴിപാടിനായി തെരഞ്ഞെടുത്തത്. പ്രവാസിയായ ജോസ്ഥ് ഇടിക്കുള ഇപ്പോൾ ലീവിന് നാട്ടിൽ വന്നതാണ് .ഇവിടെയുള്ള ദിവസങ്ങളത്രയും കെ സുരേന്ദ്രന്റെ വിജയത്തിനായുള്ള പ്രചരണത്തിനായി മാറ്റി വച്ചിരിക്കുകയാണ്.