കാപ്പകേസ് പ്രതി അൻസാഫും കൂട്ടാളികളും അകത്ത്; പിടിയിലായത് നാടൻതോക്കുമായി

ചാരുംമൂട്: നാടൻതോക്കുമായി കുറത്തികാട് പോലീസ് പിടികൂടിയ കാപ്പകേസ് പ്രതി കായംകുളം പെരിങ്ങാല ദേശത്തിനകം കണ്ടിശ്ശേരിൽ പടീറ്റതിൽ അൻസാബ്(26) ഉൾപ്പെടെ മൂന്നുപേരെ മാവേലിക്കര കോടതി റിമാൻഡ് ചെയ്തു. കഴിഞ്ഞ ദിവസം രാത്രിയാണ് ചുനക്കരയിൽനിന്നു അൻസാബിനെയും കായംകുളം പെരിങ്ങാല ദേശത്തിനകം പന്തപ്ലാവിൽവീട്ടിൽ ഷംനാദ്(24), വെട്ടിയാർ ഇടയിലെവീട്ടിൽ അജാസ്(31) എന്നിവരെയും ഇൻസ്പെക്ടർ ബി. സാബുവും സംഘവും സാഹസികമായി പിടികൂടിയത്. ഇവര്‍ സഞ്ചരിച്ച കാറിൽനിന്ന് 3.2 എംഎം പിസ്‌റ്റളും, മുളകു സ്പ്രേയും പിടിച്ചെടുത്തു. ആയുധ നിയമപ്രകാരവും പോലീസ് കേസെടുത്തു.

ജില്ലയിൽ പ്രവേശിക്കുന്നതിനു വിലക്കുള്ള അൻസാബും ഭാര്യയും മകനും കാപ്പ കേസിലുൾപ്പെട്ട റിയാസും സഞ്ചരിച്ചിരുന്ന കാർ രണ്ടാഴ്ചമുൻപാണ്‌ കരീലക്കുളങ്ങരയിൽവച്ച്‌ അപകടത്തിൽപ്പെട്ടത്. അൻസാബിന്റെ ഭാര്യയും മകനുമടക്കം നാലുപേർ അപകടത്തിൽ മരിച്ചിരുന്നു. പരിക്കേറ്റ അൻസാബ് ചികിത്സയ്ക്കിടെ ആശുപത്രിയിൽനിന്നു പോലീസിനെ വെട്ടിച്ച് കടന്നുകളയുകയായിരുന്നു. എന്നാല്‍ കൊല്ലം-തേനി ദേശീയപാത വഴി രക്ഷപ്പെടാൻ ശ്രമിക്കവെ ചാരുംമൂട് ജംഗ്ഷനിൽ വച്ച്, രാത്രി 8 മണിയോടെ കുറത്തികാട് സിഐ വി.സാബുവിന്റെ നേതൃത്വത്തിലുള്ള പോലീസ് സംഘം കാർ പിന്തുടർന്നാണ് ഇവരെ പിടികൂടിയത്. അൻസാഫിനെതിരെ കഴിഞ്ഞ ഫെബ്രുവരിയിലാണ് ജില്ലാ പോലീസ് മേധാവിയുടെ ശുപാർശ പ്രകാരം കാപ്പ ചുമത്തി ജില്ലയിൽ പ്രവേശിക്കുന്നതിന് വിലക്ക് ഏർപ്പെടുത്തിയത്. സ്റ്റേഷനിൽ ഇയാൾക്കെതിരെ കൂലിത്തല്ല്, വധശ്രമം, കഞ്ചാവ് കടത്ത് എന്നിവയുൾപ്പെടെ 10 കേസുകളുണ്ട്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona