SPECIAL STORY

നിലപാടിൽ ഉറച്ച് ഗവർണ്ണർ പ്രതിപക്ഷ നേതാവിന് പരോക്ഷ മറുപടി

കേരളത്തിൽ ഇപ്പോൾ കത്തിപ്പുകയുന്ന ഡി ലിറ്റ് വിവാദത്തിൽ പ്രതിപക്ഷ നേതാവിന്റെ പ്രതികരണം ഏവരെയും അമ്പരപ്പിക്കുന്നതാണ്. കഴിഞ്ഞ ദിവസം കോൺഗ്രസിന്റെ തന്നെ നേതാവായ, മുൻ പ്രതിപക്ഷ നേതാവായ രമേശ് ചെന്നിത്തല അസന്ദിഗ്ധമായി ഒരു കാര്യം പറഞ്ഞിരുന്നു. സംസ്ഥാന സർക്കാർ ഭാരതത്തിന്റെ രാഷ്ട്രപതിയെ അപമാനിച്ചിരിക്കുന്നു. പിണറായി സർക്കാരിനെ പ്രതിരോധത്തിലാക്കിയ നിരവധി ചോദ്യങ്ങളും അദ്ദേഹം ഉന്നയിച്ചിരുന്നു. സത്യത്തിൽ ആ പ്രസ്താവനയോടെയാണ് ഏറെ നാളുകളായി സംസ്ഥാനത്ത് ഗവർണറും സർക്കാരും തമ്മിൽ നടന്നുവരുന്ന ശീതയുദ്ധത്തിന്റെ കാരണം പൊതു സമൂഹം അറിഞ്ഞത്. അതായത് ഗവർണ്ണർ ഇന്ത്യൻ രാഷ്ട്രപതിക്ക് ഡി ലിറ്റ് നൽകണമെന്ന് കേരള സർവ്വകലാശാലാ VC ക്ക് നിർദ്ദേശം നൽകുന്നു. ഗവർണർ അത് രേഖാമൂലം തന്നെയാണ് VC യെ അറിയിക്കുന്നത്. VC യും രേഖാ മൂലം തന്നെ അതിനു മറുപടി നൽകുന്നുണ്ട്. തൽക്കാലം രാഷ്ട്രപതിക്ക് ഡി ലിറ്റ് നൽകാനാവില്ല കാരണം സർക്കാരും സിൻഡിക്കേറ്റിനും താൽപ്പര്യമില്ല. സിൻഡിക്കേറ്റ് യോഗം ചേരുകപോലും ചെയ്യാതെയാണ് VC ഗവർണറുടെ ശുപാർശ നിരസിച്ചത്. ഇത് സർക്കാർ ഇടപെടലിന്റെ ഒന്നാം തരം തെളിവാണ്. ഇത് ചെന്നിത്തല വിളിച്ചു പറയുക കൂടി ചെയ്തപ്പോൾ സർക്കാർ ചെന്നുപെട്ടത് വലിയ പ്രതിസന്ധിയിലാണ്. ഇന്ത്യൻ രാഷ്ട്രപതിക്ക് ഡി ലിറ്റ് നൽകാനുള്ള ഒരു ശുപാർശ കേരള സംസ്ഥാന സർക്കാർ നിരസിച്ചു എന്നത് ചെറിയ കാര്യമല്ല. ഇത് എങ്ങനെ വിശദീകരിക്കും എന്ന ചിന്തയിൽ പിണറായിയും സർക്കാരും നിൽക്കുമ്പോഴാണ് രക്ഷകനായി പ്രതിപക്ഷ നേതാവ് VD സതീശൻ എത്തിയത്. നമ്മളെല്ലാവരും ഇന്നലെ കണ്ടതുപോലെ ചർച്ച VD സതീശൻ ഗവര്ണരിലേക്ക് തിരിച്ചു വിട്ടു. അദ്ദേഹം പറഞ്ഞ ഒരു ആന മണ്ടത്തരം VC യോട് ഗവർണ്ണർ ആർക്കെങ്കിലും ഡി ലിറ്റ് നൽകാൻ ആവശ്യപ്പെട്ടിട്ടുണ്ടെങ്കിൽ അത് നിയമ വിരുദ്ധമാണ് എന്നതാണ്. സത്യത്തിൽ അങ്ങനൊരു നിയമം സതീശൻ എവിടുന്നാണ് വായിച്ചെടുത്തത് എന്നറിയില്ല. ഗവർണർ VC യോട് അത്തരത്തിലൊരു ശുപാർശ നൽകിയാൽ അതിൽ ഏതെങ്കിലും നിയമങ്ങളുടെ ലംഘനമുണ്ടെന്ന് പറയാനാവില്ലെന്നാണ് നിയമ വിരുദ്ധരെല്ലാം അവകാശപ്പെടുന്നത്. ഏതെങ്കിലും ഒരു നിയമ വിരുദ്ധ പ്രവർത്തനം നടത്താൻ സർവ്വകലാശാലാ മേധാവിയോട് രാജ്ഭവനെ പോലൊരു ഭരണഘടനാ സ്ഥാപനം രേഖാമൂലം ആവശ്യപ്പുമോ എന്ന് ചിന്തിക്കാനുള്ള സാമാന്യ ബോധം പോലും പ്രതിപക്ഷ നേതാവിന്റെ പ്രസ്താവനക്ക് പിന്നിലില്ലാതെപോയി. ആ നിരുത്തരവാദ സമീപനത്തിനാണ് ഇന്ന് ഗവർണ്ണർ ആരിഫ് മുഹമ്മദ്‌ ഖാൻ ഇന്ന് മുഖമടച്ച് മറുപടി നൽകിയിരിക്കുന്നത്. ഭരണഘടനയും നിയമങ്ങളും പഠിച്ച ശേഷമാണ് അഭിപ്രായം പറയേണ്ടത്. രാജ്ഭവനും രാഷ്ട്രപതിഭവനും ഉന്നതമായ ഭരണഘടനാ സ്ഥാപനങ്ങളാണ്. അതിന്റെ അന്തസത്ത ഉൾക്കൊള്ളുന്നതുകൊണ്ടു മാത്രം കൂടുതലായി ഒന്നും പറയുന്നില്ല എന്നാണ് അദ്ദേഹം ഇന്ന് പ്രതികരിച്ചത്. എത്ര പക്വതയോടും സ്ഥിരതയോടുമാണ് ഗവർണ്ണർ പ്രതികരിക്കുന്നത് എന്ന് കാണണം. ബന്ധപ്പെട്ട ഭരണഘടനാ വകുപ്പടക്കം അദ്ദേഹം ഉദ്ധരിച്ചു. അദ്ദേഹം തന്റെ ആരോപണങ്ങളിൽ പാറ പോലെ ഉറച്ച് നിൽക്കുന്നു. സർവ്വകലാശാലകൾ സ്വതന്ത്രമായി പ്രവർത്തിക്കണം. അതിനാണ് ഗവർണ്ണർക്ക് ചാൻസിലർ പദവി നൽകിയിരിക്കുന്നത്. രാഷ്ട്രീയ ഇടപെടൽ തുടരുന്നതിനാലാണ് ചാൻസിലർ പദവി ഒഴിഞ്ഞത്. സത്യത്തിൽ രമേശ് ചെന്നിത്തലയുടെ ആരോപണം ശരിവയ്ക്കുന്ന പ്രസ്താവനകളാണ് ഇന്ന് ഗവർണ്ണർ നടത്തിയത്. പ്രതിസന്ധിയുടെ ആഴം കൂടുകയാണ്. വിഷയം ഗവർണറും സർക്കാരും തമ്മിലുള്ള സൗന്ദര്യ പിണക്കമില്ല. രാഷ്ട്രപതിയെ അപമാനിച്ച സംഭവമാണ്. പക്ഷെ പ്രതിപക്ഷ നേതാവ് സർക്കാരിനെ ഇങ്ങനെ രക്ഷിക്കാനെത്തുന്നത് എന്തിനെന്നു മാത്രം മനസ്സിലാകുന്നില്ല. ഇങ്ങനെ നിരന്തരമായ മണ്ടത്തരങ്ങൾ എഴുന്നള്ളിച്ച് പ്രതിപക്ഷ നേതാവ് സ്വയം ചെറുതാവുകയാണ്.

B4 Admin

Recent Posts

രാഷ്ട്രീയ പ്രക്ഷോഭങ്ങളല്ല, ദേശീയബോധത്തിന്റെ ഉണർവാണ് ശാശ്വതമായ മാറ്റം കൊണ്ടുവരുന്നത്: പ്രക്ഷോഭ രാഷ്ട്രീയത്തെക്കുറിച്ചുള്ള ആർ.എസ്.എസ് സർസംഘചാലക് ഡോ. മോഹൻ ഭാഗവതിന്റെ നിരീക്ഷണം ശ്രദ്ധേയമാകുന്നു!

പെട്ടെന്നുള്ള രാഷ്ട്രീയ മാറ്റങ്ങൾക്കോ അക്രമണാസക്തമായ പ്രക്ഷോഭങ്ങൾക്കോ സമൂഹത്തിൽ ഒരിക്കലും ശാശ്വതമായ നന്മകൾ കൊണ്ടുവരാൻ സാധിക്കില്ലെന്നും, മറിച്ച് പൗരന്മാരില്‍ ദേശീയബോധവും സനാതന…

36 minutes ago

പുതിയ ത്രീ സ്റ്റാർ ബാറുകൾക്ക് ലൈസൻസില്ല: കർശന നിയന്ത്രണങ്ങളുമായി കേരളത്തിന്റെ പുതിയ കരട് മദ്യനയം പുറത്ത്!

സംസ്ഥാനത്ത് പുതിയതായി ത്രീ സ്റ്റാർ ഹോട്ടലുകൾക്ക് ബാർ ലൈസൻസുകൾ അനുവദിക്കേണ്ടതില്ലെന്ന് വ്യവസ്ഥ ചെയ്യുന്ന നിർണ്ണായക കരട് മദ്യനയം പുറത്തുവന്നു. നിലവിൽ…

2 hours ago

ഭഗവാൻ ശ്രീരാമനെ പുകഴ്ത്തിയ ജാവേദ് അക്തറിനെതിരെ മൗലാന സാജിദ് റഷീദി: പേര് ‘റാം പാൽ’ എന്നാക്കാൻ പരിഹാസം

ഭഗവാൻ ശ്രീരാമനെക്കുറിച്ചുള്ള പ്രശസ്ത ഗാനരചയിതാവ് ജാവേദ് അക്തറിന്റെ പരാമർശങ്ങൾ വിവാദമാകുന്നു. ശ്രീരാമൻ ഒരു വ്യക്തി മാത്രമല്ലെന്നും ധാർമികതയുടെയും ജീവിതരീതിയുടെയും പ്രതീകമാണെന്നും…

4 hours ago

ദില്ലിയിൽ ശ്രീ ഗുരു ഗ്രന്ഥ് സാഹിബിന്റെ പുണ്യപേജുകൾ കീറിയതായി ആരോപണം: 45കാരൻ അറസ്റ്റിൽ, പ്രതിഷേധവുമായി സിഖ് സമൂഹം

ദില്ലിയിലെ പശ്ചിമ മേഖലയിലുള്ള തിലക് നഗറിലെ ഷാഹ്പുര ഗുരുദ്വാരയിൽ സിഖ് മതവിശുദ്ധ ഗ്രന്ഥമായ ശ്രീ ഗുരു ഗ്രന്ഥ് സാഹിബിനെ അപമാനിച്ചതായി…

4 hours ago

പാകിസ്ഥാനെ വീഴ്ത്തി ഭാരതത്തിന് പത്താം സാഫ് കിരീടം: തുടർച്ചയായി മൂന്നാം കിരീടനേട്ടത്തോടെ ചരിത്ര ഹാട്രിക്

ധാക്കയിലെ നാഷണൽ സ്റ്റേഡിയത്തിൽ നടന്ന സാഫ് ചാമ്പ്യൻഷിപ്പ് ഫൈനലിൽ പാകിസ്ഥാനെ 2–1ന് പരാജയപ്പെടുത്തി ഭാരതം കിരീടം നിലനിർത്തി. ഇതോടെ പത്താം…

5 hours ago

അതിർത്തി കടന്നെത്തിയ ബിഎസ്എഫ് ജവാനെ ബംഗ്ലാദേശ് സൈനികർ കൈയേറ്റം ചെയ്തതായി ആരോപണം: ദൃശ്യങ്ങൾ പുറത്ത്, സൈനികൻ സുരക്ഷിതമായി ഭാരതത്തിൽ തിരിച്ചെത്തി

മേഘാലയയിലെ ഭാരത്–ബംഗ്ലാദേശ് അതിർത്തിയിൽ അബദ്ധത്തിൽ അതിർത്തി കടന്ന ബിഎസ്എഫ് ജവാനെ ബംഗ്ലാദേശ് അതിർത്തി സേനയായ ബോർഡർ ഗാർഡ് ബംഗ്ലാദേശ് (ബിജിബി)…

5 hours ago