'Keraliyam 2023' cultural festival song plagiarized; Music director Jason J Nair is on the scene with serious allegations
തിരുവനന്തപുരം: ‘കേരളീയം 2023’ എന്ന പേരിൽ സംസ്ഥാന സര്‍ക്കാര്‍ സംഘടിപ്പിക്കുന്ന ആഘോഷത്തിനായി ഒരുക്കിയ ഗാനം കോപ്പിയടിയാണെന്ന ആരോപണവുമായി സംഗീത സംവിധായകനും സംഗീത അദ്ധ്യാപകനുമായ ജെയ്സണ്‍ ജെ നായര്‍ രംഗത്ത്. നവംബർ 1 മുതൽ 7 വരെ തലസ്ഥാനത്ത് നടക്കുന്ന ആഘോഷ പരിപടിക്കായി തിരുവനന്തപുരം സ്വാതി തിരുനാള്‍ സംഗീത കോളേജിലെ രണ്ടാം വര്‍ഷ എം.എ വിദ്യാര്‍ത്ഥികള്‍ കേരളീയത്തിനായി വരികളെഴുതി ചിട്ടപ്പെടുത്തിയ ഗാനം എന്ന പേരില്‍ പരിപാടിയുടെ സോഷ്യല്‍ മീഡിയ പേജുകളില്‍ പ്രചരിക്കുന്ന ഗാനത്തിനെതിരെയാണ് ജെയ്സണ്‍ ജെ നായര്‍ കോപ്പിയടി ആരോപണവുമായി രംഗത്തെത്തിയത്.
‘തുഞ്ചന്‍റെ കാകളികള്‍ ഒരു കിളികൊഞ്ചലായി’ എന്ന് തുടങ്ങുന്ന ഗാനം 2004-2006 കാലഘട്ടത്തില്‍ താന്‍ ചിട്ടപ്പെടുത്തിയ ഗാനമാണെന്നാണ് ജെയ്സണ്‍ ജെ നായരുടെ പറയുന്നത്. സോമദാസ് കാണക്കാരി എഴുതിയ വരികള്‍ക്ക് ഈണം നല്‍കി കുമാരമംഗലം സ്കൂളിലെ കുട്ടികള്‍ക്ക് കലോത്സവത്തിന് വേണ്ടി തയ്യാറാക്കിയ ഗാനമാണ് കേരളീയം ഫെസ്റ്റിനായി സ്വാതി തിരുനാള്‍ സംഗീത കോളേജിലെ വിദ്യാര്‍ഥികള്‍ ഒരുക്കിയ ഗാനം എന്ന പേരില്‍ പ്രചരിക്കുന്നതെന്ന് അദ്ദേഹം ഫേസ്ബുക്ക് പേജില്‍ പോസ്റ്റുചെയ്ത വീഡിയോയില്‍ പറഞ്ഞു.
2006ലെ സംസ്ഥാന സ്കൂള്‍ കലോത്സവത്തില്‍ സംഘഗാനത്തിന് സമ്മാനം ലഭിച്ച ഗാനമാണിത്. തന്‍റെ സ്ഥാപനമായ മോക്ഷ സ്കൂള്‍ ഓഫ് മ്യൂസിക്കിലെ ആയിരക്കണക്കിന് കുട്ടികളെ ഈ ഗാനം പലപ്പോഴായി പഠിപ്പിച്ചിട്ടുണ്ടെന്നും ജെയ്സണ്‍ ജെ നായര്‍ പറഞ്ഞു. ‘ഇതില്‍ സര്‍ക്കാരിന് യാതൊരു ഉത്തരവാദിത്വവുമില്ല. ഈ ഗാനം ചെയ്യാന്‍ ഏല്‍പ്പിച്ചവര്‍ അത് മോഷ്ടിച്ച് എല്ലാവരെയും തെറ്റിധരിപ്പിക്കുകയാണ് ചെയ്തിരിക്കുന്നത്. നാളെ തലമുറയ്ക്ക് സംഗീതം പറഞ്ഞുകൊടുക്കേണ്ട ആരോ ഒരാളാണ് ഇതിന് പിന്നില്‍. കുട്ടികള്‍ ഏതായാലും ഇത് മനോഹരമായി പാടിയിട്ടുണ്ട്. ചെയ്ത ആള്‍ക്ക് എന്തായാലും അത് അയാളുടെ സൃഷ്ടി അല്ലെന്ന് അറിയാം. എന്നിട്ടും ഒരു ഉളുപ്പുമില്ലാതെ കുട്ടികള്‍ക്ക് പറഞ്ഞുകൊടുത്ത് അവരെ കൊണ്ട് പാടിപ്പിച്ച ശേഷം സര്‍ക്കാരിന് നല്‍കിയിരിക്കുകയാണ്. ഒരു സൃഷ്ടി കര്‍ത്താവെന്ന നിലയിലുള്ള വിഷമം എനിക്കുണ്ട്‘ എന്ന് ജെയ്സണ്‍ ജെ നായര്‍ പറഞ്ഞു.
ക-ഞ്ചാ-വാ-ണ് ല-ഹ-രി-യാ-ണ് എന്നൊക്കെ ആരോപണം വേണ്ടതിലേറെ കേട്ട നടന്‍ ഇങ്ങനെയൊരു പൊതുവേദിയില്‍ സഹപ്രവര്‍ത്തകനെ ഇകഴ്ത്തി സംസാരിക്കുമ്പോള്‍ ഇയാള് ഇത്ര തരം…
ബോളിവുഡ് സൂപ്പർ താരം ഷാരൂഖ് ഖാനെ അഹമ്മദാബാദിലെ കെഡി ആശുപത്രിയിൽ പ്രവേശിപ്പിച്ചു. ചൊവ്വാഴ്ച കൊൽക്കത്ത നൈറ്റ് റൈഡേഴ്‌സും സൺറൈസേഴ്‌സ് ഹൈദരാബാദും…
യൂറോപ്യന്‍ യൂണിയനില്‍ പ-ല-സ്തീ-നെ ആദ്യമായി അംഗീകരിക്കുന്ന രാഷ്ട്രം സ്വീഡനാണ് . മറ്റ് യൂറോപ്യന്‍ രാജ്യങ്ങളായ ബള്‍ഗേറിയ, സൈപ്രസ്, ചെക്ക് റിപ്പബ്ലിക്,…
തിരുവനന്തപുരം : സംസ്ഥാനത്തെ ഐഎഎസ് തലപ്പത്ത് അഴിച്ചുപണി. നാല് ഉദ്യോഗസ്ഥര്‍ക്കാണ് സര്‍ക്കാര്‍ പുതിയ ചുമതല നല്‍കിയിട്ടുള്ളത്. ആരോഗ്യവകുപ്പ് സെക്രട്ടറി എപിഎം…
തിരുവനന്തപുരം : അതിതീവ്ര മഴക്ക് സാധ്യത കണക്കിലെടുത്ത് കേന്ദ്ര കാലാവസ്ഥ വകുപ്പ് സംസ്ഥാനത്തെ അഞ്ച് ജില്ലകളിൽ റെഡ് അലർട്ട് പ്രഖ്യാപിച്ചു.…
സാംസ്കാരികമായി വളരെ വളക്കൂറുള്ള മണ്ണാണ് എറണാകുളം ജില്ലയിലെ ചെറായി എന്ന തീരദേശ ഗ്രാമത്തിലേത്. 1911 ലാണ് ശ്രീനാരായണഗുരു ഈ ക്ഷേത്രത്തിൻറെ…