ഒടുവിൽ സോണ്ട പുറത്ത് !ബ്രഹ്മപുരത്തെ ബയോമൈനിങ്ങിൽനിന്നു സോണ്ടയെ ഒഴിവാക്കി കൊച്ചി കോർപറേഷൻ; കമ്പനിയെ കരിമ്പട്ടികയിൽപ്പെടുത്താൻ സർക്കാരിനോട് ശുപാർശ ചെയ്യും

കൊച്ചി : ബ്രഹ്മപുരത്തെ ബയോമൈനിങ്ങിൽ നിന്നു വിവാദ കമ്പനിയായ സോണ്ട ഇൻഫ്രാടെക്കിനെ ഒഴിവാക്കി. മേയർ എം.അനിൽകുമാറിന്റെ അദ്ധ്യക്ഷതയിൽ ചേർന്ന കൊച്ചി കോർപറേഷൻ കൗൺസിൽ യോഗത്തിലാണ് ഇത് സംബന്ധിച്ച തീരുമാനമുണ്ടായത്. ബയോമൈനിങ്ങിൽ വീഴ്ച വരുത്തിയെന്നു കാണിച്ചു കൊച്ചി കോർപറേഷൻ നൽകിയ നോട്ടിസിനു കമ്പനി നൽകിയ മറുപടി തൃപ്തികരമല്ലെന്നു ചൂണ്ടിക്കാണിച്ചാണ് നടപടി.

സോണ്ടയെ കരിമ്പട്ടികയിൽപ്പെടുത്താൻ സർക്കാരിനോട് ശുപാർശ ചെയ്യാൻ യോഗം തീരുമാനിച്ചു . ബയോമൈനിങ് നടത്താനായി കോർപറേഷൻ പുതിയ ടെൻഡർ വിളിക്കും. ഇതിനാവശ്യമായ തുക സോണ്ടയിൽ നിന്നാകും ഈടാക്കുക. സോണ്ടയുമായി കോടതിയിൽ നിലവിലുള്ള കേസുകൾ കൈകാര്യം ചെയ്യാൻ സെക്രട്ടറിയെ കോർപറേഷൻ കൗൺസിൽ ചുമതലപ്പെടുത്തി.