കോതമംഗലം ലവ് ജിഹാദ് കേസ് ! റമീസിന്റെ അറസ്റ്റ് രേഖപ്പെടുത്തി ; യുവാവിന്റെ കുടുംബാംഗങ്ങളെയും പ്രതിചേർത്തേക്കും

കോതമംഗലം ലവ് ജിഹാദ് കേസിൽ ജീവനൊടുക്കിയ ടിടിസി വിദ്യാർത്ഥിനി സോന എല്‍ദോസിന്റെ ആൺ സുഹൃത്ത് റമീസ് അറസ്റ്റില്‍. ആത്മഹത്യാ പ്രേരണ, ദേഹോപദ്രവം ഏല്‍പ്പിക്കല്‍ തുടങ്ങിയ കുറ്റങ്ങളാണ് റമീസിനെതിരേ ചുമത്തിയിരിക്കുന്നത്. ഇയാളുടെ കുടുംബാംഗങ്ങളെയും കേസില്‍ പ്രതിചേര്‍ത്തേക്കും. സോനയുടെ മരണത്തില്‍ റമീസിനെതിരേ വ്യക്തമായ തെളിവുകള്‍ ലഭിച്ചിരുന്നു.ഇതിന്റെ അടിസ്ഥാനത്തിലാണ് റമീസിനെ അറസ്റ്റ് ചെയ്തത്. സോനയെ റമീസ് മര്‍ദ്ദിച്ചതിന്റെ തെളിവുകൾ. ഇരുവരും തമ്മിലുള്ള വാട്‌സാപ്പ് ചാറ്റ്, ആത്മഹത്യചെയ്യുമെന്ന് സോന പറഞ്ഞപ്പോള്‍, ആത്മഹത്യചെയ്‌തോളാന്‍ റമീസ് പറഞ്ഞതിന്റെ തെളിവുകൾ എന്നിവയാണ് കണ്ടെത്തിയിരിക്കുന്നത്.

കോതമംഗലം കറുകടം ഞാഞ്ഞൂള്‍മല നഗറില്‍ കടിഞ്ഞുമ്മേല്‍ പരേതനായ എല്‍ദോസിന്റെ മകള്‍ സോനാ എല്‍ദോസിനെ ശനിയാഴ്ച ഉച്ചയ്ക്കാണ് തൂങ്ങിമരിച്ച നിലയില്‍ കണ്ടെത്തിയത്.പിന്നാലെ സോനയുടെ ആത്മഹത്യാക്കുറിപ്പ് വീട്ടില്‍ നിന്ന് കണ്ടെടുത്തു. ആണ്‍സുഹൃത്തായ റമീസും ഇയാളുടെ കുടുംബവും മതംമാറാന്‍ നിര്‍ബന്ധിച്ചും വീട്ടില്‍ പൂട്ടിയിട്ട് ഉപദ്രവിച്ചെന്നും ഉള്‍പ്പെടെയുള്ള ഗുരുതരമായ ആരോപണങ്ങളാണ് കുറിപ്പിലുള്ളത്.