കോട്ടയത്ത് പാറമടക്കുളത്തിൽ വീണ ലോറി ഉയർത്തി; ഡ്രൈവർ അജികുമാറിന്റെ മൃതദേഹം കണ്ടെത്തി

കോട്ടയം: കോട്ടയം മറിയപ്പള്ളിയിൽ പാറമടക്കുളത്തിലേക്ക് മറിഞ്ഞ ലോറി ഉയർത്തി. ഏറെ നേരത്തെ ശ്രമത്തിനൊടുവിലാണ് ലോറി ഉയർത്താനായത്. ലോറിയുടെ ഡ്രൈവറായ അജികുമാറിന്റെ മൃതദേഹവും കണ്ടെത്തി. പാറശാല സ്വദേശി അജികുമാറാണ് ലോറിക്കിടയിൽ കുടുങ്ങി മരിച്ചത്. ക്രെയിൻ എത്തിയാണ് ലോറിയെ പാറമടക്കുളത്തിൽ നിന്ന് പുറത്തെടുത്തത്.

ഇന്നലെ രാത്രിയോടെയാണ് അപകടമുണ്ടായത്. രക്ഷാപ്രവർത്തനം ഇന്നലെ രാത്രിയിൽ തന്നെ നടത്തിയെങ്കിലും വെളിച്ചത്തിന്റെ കുറവ് മൂലം ദുഷ്കരമായിരുന്നു. ഇന്ന് രാവിലെ സ്‌കൂബാ ഡൈവിങ് സംഘവും ഫയർ ഫോഴ്‌സും എത്തി. രക്ഷാപ്രവർത്തനം തുടരുകയാണ്.

13 ടൺ ഭാരമുള്ള ലോറിയാണ് പാറമടക്കുളത്തിലേയ്ക്ക് മറിഞ്ഞത്. ചങ്ങനാശേരിയിൽ നിന്ന് രണ്ട്‍ ക്രയിനുകൾ എത്തിച്ച് രക്ഷാപ്രവർത്തനം നടത്താൻ ശ്രമിച്ചെങ്കിലും അതും ദുഷ്‌ഫലമാകുകയായിരുന്നു. 30 ടണിന്റെ രണ്ട് ക്രയിനുകളാണ് രക്ഷപ്രവർത്തനത്തിനായി കൊണ്ടുവന്നത്.

ലോറിക്കുള്ളിൽ ഡ്രൈവർ ഉള്ളതായി സ്ഥിരീകരിച്ചിട്ടുണ്ട്. മന്ത്രി വി എൻ വാസവൻ അടക്കമുള്ള രാഷ്ട്രീയ നേതാക്കൾ സ്ഥലത്തെത്തിയിരുന്നു.