പാകിസ്ഥാനിൽ അജ്ഞാതരുടെ ആറാട്ട് ! കറാച്ചിയിൽ ലഷ്‌കർ ഭീകരൻ മുഫ്തി ഖൈസർ ഫാറൂഖിനെ വെടിവച്ചു കൊന്നു; കഴിഞ്ഞ മൂന്ന് ദിവസത്തിനിടെ കൊല്ലപ്പെട്ടത് മൂന്ന് ഭീകരർ

ഇസ്ലാമാബാദ് : കറാച്ചിയിൽ ലഷ്‌കർ ഇ തോയ്ബ ഭീകരൻ മുഫ്തിയെ അജ്ഞാതർ വെടിവച്ചു കൊന്നു. തെരുവിലൂടെ നടന്ന് പോകുകയായിരുന്നു ഫറൂഖിന് നേരെ അജ്ഞാതൻ പുറകിൽ നിന്ന് നിറയൊഴിക്കുകയായിരുന്നു. സംഭവസ്ഥലത്ത് വച്ചു തന്നെ ഇയാൾ കൊല്ലപ്പെട്ടു എന്നാണ് ലഭിക്കുന്ന വിവരം. സംഭവത്തിന് തൊട്ട് പിന്നാലെ അജ്ഞാത സംഘം കടന്നു കളഞ്ഞു. ഇന്നലെ വൈകുന്നരം നടന്ന സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു.

ഭീകര സംഘടനയായ ലഷ്‌കർ-ഇ-തോയ്ബയുടെ സ്ഥാപക അംഗങ്ങളിൽ ഒരാളാണ് ഖൈസർ ഫാറൂഖ്. 26/11 മുംബൈ ഭീകരാക്രമണത്തിന്റെ സൂത്രധാരനും ലഷ്‌കറെ തലവൻ ഖൈസർ ഫാറൂഖിന്റെ അടുത്ത കൂട്ടാളിയും സഹായിയുമാണിയാൾ. അതേസമയം കഴിഞ്ഞ മൂന്ന് ദിവസത്തിനിടെ അജ്ഞാത സംഘത്തിന്റെ ആക്രമണത്തിൽ കൊല്ലപ്പെടുന്ന മൂന്നാമത്തെ ഭീകരൻ ആണ് ഫറൂഖ്.
വെള്ളിയാഴ്ച ഹിസ്ബുൾ ഭീകരൻ സിയ ഉർ റഹ്മാനെ കറാച്ചിയിൽ വച്ച് അജ്ഞാത സംഘം വെടിവച്ച് കൊലപ്പെടുത്തിയിരുന്നു. ഇതിന് പിന്നാലെ കഴിഞ്ഞ ദിവസം കൊടും ഭീകരൻ ഹാഫിസ് സയീദിന്റെ മകൻ കമാലൂദ്ദീന്റെ മൃതദേഹം കണ്ടെടുത്തിരുന്നു. ഇതിന് പിന്നാലെയാണ് ഖൈസർ ഫറൂഖും കൊല്ലപ്പെടുന്നത്.