ദല്‍ഹി: ലൈഫ് ഇന്‍ഷൂറന്‍സ് കോര്‍പ്പറേഷന്‍ ഓഫ് ഇന്ത്യയും എംപ്ലോയീസ് പ്രൊവിഡന്റ്ഫണ്ട് ഓര്‍ഗനൈസേഷനും സ്റ്റാര്‍ട്ടപ്പുകള്‍ക്ക് ഫണ്ട് നല്‍കാന്‍ തയ്യാറെടുക്കുന്നു. ഡിപിഐഐടിയുടെ അഡീഷണല്‍ സെക്രട്ടറി അനില്‍ അഗര്‍വാള്‍ ആണ് ഇക്കാര്യം മാധ്യമങ്ങളെ അറിയിച്ചത്.സ്റ്റാര്‍ട്ടപ്പുകള്‍ക്ക് ഫണ്ട് കണ്ടെത്താന്‍ സിഡ്ബി ഒരു പോര്‍ട്ടല്‍ വികസിപ്പിക്കാനും തീരുമാനമെടുത്തിട്ടുണ്ട്. നാഷനല്‍ സ്റ്റാര്‍ട്ടപ്പ് അഡൈ്വസറി കൗണ്‍സിലിന്റെ യോഗത്തില്‍ ഈ വിഷയങ്ങള്‍ ഉയര്‍ന്നുവന്നിരുന്നു.
രാജ്യത്തെ സ്റ്റാര്‍ട്ടപ്പ് ഇക്കോസിസ്റ്റം മെച്ചപ്പെടുത്തുന്നതിനായി പല സംരംഭങ്ങളും മുമ്പോട്ട് വരുന്നുണ്ട്. ഈ മേഖലയ്ക്കായി പതിനാറോളം പ്രോഗ്രാമുകളെ ഇത്തരത്തില്‍ തിരിച്ചറിഞ്ഞിട്ടുണ്ട്. അവയെ കുറിച്ചുള്ള വിവരങ്ങള്‍ കൗണ്‍സിലിലെ മെമ്പര്‍മാരുമായി പങ്കുവെച്ചിട്ടുണ്ടെന്നും അഗര്‍വാള്‍ പറഞ്ഞു. സോഫ്റ്റ്ബാങ്കിലെ മനോജ് കോഹ്‌ലിയുടെ നേതൃത്വത്തില്‍ ദേശീയ മെന്റര്‍ഷിപ്പ് പ്രോഗ്രാം നടത്താന്‍ താല്‍പ്പര്യപ്പെടുന്നതായി അഗര്‍വാള്‍ അറിയിച്ചു.സ്റ്റാര്‍ട്ടപ്പുകള്‍ക്കായി ഒരു ഫണ്ട് സ്വരൂപിക്കാന്‍ അദ്ദേഹം പ്രതിജ്ഞാബദ്ധനാണ്. സ്റ്റാര്‍ട്ടപ്പുകള്‍ക്കായി ഫണ്ട് നല്‍കാന്‍ ഇപിഎഫ്ഓയും സന്നദ്ധത അറിയിച്ചതായി സെക്രട്ടറി അറിയിച്ചു.
രാജ്യത്ത് ആകെ ആറായിരം ഏയ്ഞ്ചല്‍ നിക്ഷേപകരാണ് ഉള്ളതെങ്കില്‍ യുഎസില്‍ മൂന്ന് ലക്ഷമാണ് .ഈ സാഹചര്യം കണക്കിലെടുത്ത് പുതിയ പ്ലാറ്റ്‌ഫോം തയ്യാറാക്കി പദ്ധതി കൂടുതല്‍ കാര്യക്ഷമമായി നടപ്പാക്കാനാണ് ഉദ്ദേശിക്കുന്നത്. കേന്ദ്രമന്ത്രി പീയുഷ് ഗോയലിന്റെ അധ്യക്ഷതയിലാണ് കൗണ്‍സില്‍ ചേര്‍ന്നത്. ചുവപ്പുനാടയില്‍ കെട്ടിക്കിടക്കുന്നത് ഒഴിവാക്കുക,സംരംഭങ്ങള്‍ തുടങ്ങുന്നത് എളുപ്പമാക്കുക,സ്റ്റാര്‍ട്ടപ്പ് സീഡ് ഫണ്ടിലൂടെ ഇന്‍കുബേറ്റേഴ്‌സിനെ സഹായിക്കുക തുടങ്ങിയ വിഷയങ്ങള്‍ ഗൗരവമായി പരിഗണിക്കുമെന്ന് മന്ത്രി അറിയിച്ചു.
ആന്ധ്രപ്രദേശിലെ അനന്തപൂർ ജില്ലയിൽ സ്കൂൾ ക്ലാസ് മുറിക്കുള്ളിൽ നടന്ന ക്രൂരമായ ചെയിൻസോ ആക്രമണം വിദ്യാർഥികളെയും അധ്യാപകരെയും ഒരുപോലെ നടുക്കിയിരിക്കുകയാണ്. രാപ്താട്…
ഭാരതത്തിന്റെ ദാരിദ്ര്യനിരക്ക് കുറയുമ്പോൾ പാകിസ്ഥാനിൽ ദാരിദ്ര്യം വർധിക്കുന്നുവെന്ന കണക്കുകൾ ചർച്ചയാക്കി പാക് മാധ്യമങ്ങൾ. ലോകബാങ്കിന്റെയും ഐക്യരാഷ്ട്ര വികസന പദ്ധതിയുടെയും ഏറ്റവും…
ഇന്ത്യൻ റെയിൽവേയുടെ ആധുനികവൽക്കരണത്തിൽ മറ്റൊരു ചരിത്രനാഴികക്കല്ല്. രാജ്യത്തെ രണ്ടാമത്തെ വന്ദേ ഭാരത് സ്ലീപ്പർ ട്രെയിൻ കാശിക്കും ന്യൂഡൽഹിക്കും ഇടയിൽ പ്രധാനമന്ത്രി…
ലണ്ടനിൽ എംബിഎ പഠനത്തിനായി പോയ യുവതി മാസങ്ങൾക്കുമുമ്പ് വീട്ടുകാരെ അറിയിക്കാതെ ഇന്ത്യയിൽ തിരിച്ചെത്തിയതും പിന്നീട് പൂണെയിലെ വാടക ഫ്ലാറ്റിൽ മരിച്ച…
ഭാരതീയ ഏകോപനത്തിന്റെ ശില്പിയും ആദ്യ ആഭ്യന്തരമന്ത്രിയുമായ സർദാർ വല്ലഭായ് പട്ടേലിന്റെ ജന്മജയന്തിയുടെ ഭാഗമായുള്ള രാഷ്ട്രീയ ഏക്താ ദിവസിൽ അദ്ദേഹത്തിന്റെ ഓർമ്മകൾക്ക്…
"രാഷ്ട്രത്തിന്റെ ഇരുകണ്ണുകളാണ് ദേശീയതയും ദൈവീകതയും" എന്ന അടിയുറച്ച പ്രഖ്യാപനത്തിലൂടെ തമിഴ്നാട്ടിൽ ദേശസ്നേഹത്തിന്റെ അഗ്നിപടർത്തിയ മഹത് വ്യക്തിത്വമാണ് പസുംപൊൻ അയ്യാ മുത്തുരാമലിംഗ…