ശബരിമല, മാളികപ്പുറം ദേവസ്വങ്ങളിലേക്കുള്ള മേൽശാന്തി നിയമനത്തിനായുള്ള അന്തിമ നറുക്കെടുപ്പിലേക്കായി തെരഞ്ഞെടുക്കപ്പെട്ടവരുടെ പട്ടിക പ്രസിദ്ധീകരിച്ചു; അന്തിമ നറുക്കെടുപ്പ് തുലാം ഒന്നായ ഒക്ടോബർ 18 ന്

കൊല്ലവർഷം 1199-ലെ ശബരിമല, മാളികപ്പുറം ദേവസ്വങ്ങളിലേക്കുള്ള മേൽശാന്തി നിയമനത്തിനായി തുലാമാസം ഒന്നിന് നടക്കുന്ന നറുക്കെടുപ്പിലേക്കായി തെരഞ്ഞെടുക്കപ്പെട്ടവരുടെ പട്ടിക പ്രസിദ്ധീകരിച്ചു.

ശബരിമലയിലേക്ക് 17 പേരും മാളികപ്പുറം ക്ഷേത്രത്തിലേക്ക് 12 പേരും അന്തിമ പട്ടികയിൽ ഉൾപ്പെട്ടിട്ടുണ്ട്. പരിശോധനകൾക്ക് ശേഷം ശബരിമലയിലേക്ക് ആകെ ലഭിച്ച 59 അപേക്ഷകളിൽ നിന്ന് 51 പേർ ഇൻ്റർവ്യൂവിന് യോഗ്യത നേടിയിരുന്നു. മാളികപ്പുറത്തേക്ക് ലഭിച്ച 40 അപേക്ഷകരിൽ 36 പേരും ഇൻറർവ്യൂവിന് യോഗ്യത നേടി. ഹൈക്കോടതിയുടെയും ദേവസ്വം ബോർഡിൻ്റെയും അംഗീകാരത്തിനു ശേഷമാണ് നറുക്കെടുപ്പിനായുള്ള മേൽശാന്തിമാരുടെ പട്ടിക പ്രസിദ്ധീകരിച്ചത്.ദേവസ്വം ബോർഡ് വെബ് സൈറ്റിൽ പട്ടിക ലഭ്യമാണ്. തുലാം ഒന്നായ ഈ മാസം 18ന് രാവിലെ ശബരിമല ശ്രീ ധർമ്മശാസ്താക്ഷേത്രസന്നിധിയിലും മാളികപ്പുറം ക്ഷേത്രസന്നിധിയിലുമായി അന്തിമ നറുക്കെടുപ്പ് നടക്കും.