കേരളത്തിൽ ലൗ ജിഹാദ് നിലനിൽക്കുന്നുണ്ട്; പെൺകുട്ടികൾക്ക് ബോധവത്കരണം വേണം; കേരള സ്റ്റോറി പ്രദർശിപ്പിക്കേണ്ടത് അത്യാവശ്യമാണെന്ന് പദ്മജ വേണു​ഗോപാൽ

തൃശ്ശൂർ: കേരളത്തിൽ ലൗ ജിഹാദ് നിലനിൽക്കുന്നുണ്ടെന്നത് യാഥാർത്ഥ്യമാണെന്ന് ബിജെപി നേതാവ് പദ്മജ വേണു​ഗോപാൽ. നമ്മുടെ പെൺകുട്ടികൾക്ക് ബോധവത്കരണം ആവശ്യമാണ്. അത്കൊണ്ട് തന്നെ
കേരള സ്റ്റോറി പ്രദർശിപ്പിക്കേണ്ടത് അത്യാവശ്യമാണെന്ന് പദ്മജ പറഞ്ഞു.

ലൗ ജിഹാദിൽ പെട്ടുപോയ കൗമാര പ്രായക്കാരായ നിരവധി കുട്ടികൾ, ഡോക്ടറായ ഭർത്താവിനെ കാണാനെത്തുന്നുണ്ടെന്ന് പദ്മജ ചൂണ്ടിക്കാട്ടി. നിരവധി കുടുംബങ്ങൾ ഇത്തരം സംഭവങ്ങൾ കാരണം മാനസികമായി ബുദ്ധിമുട്ട് അനുഭവിക്കുന്നുണ്ട്. പലരുടെയും അനുഭവം വ്യക്തിപരമായി തന്നെ അടുത്തറിഞ്ഞതാണ്. ബോധവത്കരണത്തിനായുള്ള ചിത്രത്തെ എന്തിന് ഭയപ്പെടണമെന്നും പദ്മജ ചോദിച്ചു. ദൂരദർശനും ക്രൈസ്തവ സഭകളും സിനിമ പ്രദർശിപ്പിക്കുമ്പോൾ എതിർക്കുന്നത് വോട്ട് ബാങ്കിനെ ഭയമുള്ള രാഷ്‌ട്രീയക്കാരാണെന്നും പദ്മജ കൂട്ടിച്ചേർത്തു.