മോതിരം കാണിച്ച് വശീകരിച്ച് പതിനാറുകാരിയെ പീഡിപ്പിച്ചു !മദ്രസ അദ്ധ്യാപകൻ മുഹമ്മദ് റാഫിക്ക് 187 വർഷം തടവും ഒമ്പത് ലക്ഷം രൂപ പിഴയും

കണ്ണൂർ : മോതിരം കാണിച്ച് വശീകരിച്ച് പതിനാറുകാരിയെ പീഡിപ്പിച്ച കേസിൽ മദ്രസ അദ്ധ്യാപകന് 187 വർഷം തടവും ഒമ്പത് ലക്ഷം രൂപ പിഴയും ചുമത്തി തളിപ്പറമ്പ് പോക്സോ കോടതി. കണ്ണൂർ ആലക്കോട് സ്വദേശി മുഹമ്മദ് റാഫിയെയാണ് കോടതി ശിക്ഷിച്ചത്. സമാനകേസിൽ ഇയാൾ നേരത്തെയും പ്രതിയായിരുന്നു. 2020 മുതൽ 2021 വരേയുള്ള കോവിഡ് കാലയളവിലാണ് പ്രതി പെൺകുട്ടിയെ പീഡിപ്പിച്ചത്. മോതിരം കാണിച്ചു് വശീകരിച്ച് പെൺകുട്ടിയെ പീഡിപ്പിച്ചുവെന്ന് പോലീസ് വ്യക്തമാക്കുന്നത്. ആലക്കോട് ഉദയഗിരി സ്വദേശിയായ പ്രതി പാപ്പിനിശ്ശേരിക്കടുത്താണ് താമസിച്ചിരുന്നത്.

സമാന കേസിൽ പ്രതി നേരത്തേയും ശിക്ഷ അനുഭവിച്ചിട്ടുണ്ട് എന്നതുകൂടി കണക്കിലെടുത്താണ് 187 വർഷത്തെ ശിക്ഷ കോടതി വിധിച്ചത്. വളപട്ടണം പോലീസ് സ്റ്റേഷൻ പരിധിയിൽ ചാർജ് ചെയത പോക്സോ കേസിലും ഇയാൾ പ്രതിയായിരുന്നു. ജാമ്യത്തിലറങ്ങിയ ശേഷം വീണ്ടും ഇയാൾ കുറ്റകൃത്യത്തിൽ ഏർപ്പെടുകയായിരുന്നു.