നന്മയുടെ എഴുത്തിന് വീണ്ടും പുരസ്കാര നിറവിന്റെ ഏഴഴക് ! മഹാലക്ഷ്മി സാഹിത്യ പുരസ്കാരം ഗോവ ഗവർണർ പി.എസ് ശ്രീധരൻ പിള്ളയ്ക്ക്

തിരുവനന്തപുരം: നെയ്യാറ്റിൻകര മരുതത്തൂർ മഹാലക്ഷ്മി ക്ഷേത്രം ഏർപ്പെടുത്തിയ മഹാലക്ഷ്മി സാഹിത്യ പുരസ്കാരത്തിന് സുപ്രസിദ്ധ എഴുത്തുകാരനും ഗോവ ഗവർണറുമായ പി.എസ് ശ്രീധരൻ പിള്ള അർഹനായി .സാഹിത്യ രംഗത്തെ സമഗ്ര സംഭാവനകൾ പരിഗണിച്ചാണ് പുരസ്കാരം. ഡോ. വെങ്ങാനൂർ ബാലകൃഷ്ണൻ, സന്തോഷ് രാജശേഖരൻ, ബി.എസ് രാജേഷ് എന്നിവരടങ്ങിയ ജൂറിയാണ് ശ്രീധരൻ പിള്ളയെ അവാർഡിന് തിരഞ്ഞെടുത്തത്.

ജൂലൈ 6 ന് (വരുന്ന ഞായറാഴ്ച )വൈകുന്നേരം 5 മണിയ്ക്ക് മരുതത്തൂർ മഹാലക്ഷ്മി ക്ഷേത്ര ഓഡിറ്റോറിയത്തിൽ വച്ച് നടക്കുന്ന ചടങ്ങിൽ തിരുവിതാംകൂർ രാജകുടുംബാംഗം പൂയം തിരുനാൾ ഗൗരി പാർവ്വതി ഭായി പുരസ്കാരം സമ്മാനിക്കും.