തിരുവനന്തപുരം: മലയാള സിനിമാ രംഗത്തെ സ്ത്രീ സംവിധായിക നയനാ സൂര്യന് അന്തരിച്ചു. വെള്ളയമ്പലം ആല്ത്തറ ജംഗ്ഷനിലെ ഫ്ളാറ്റില് ശനിയാഴ്ച രാത്രിയോടെയാണ് നയനയെ മരിച്ച നിലയില് കണ്ടെത്തിയത്. കൊല്ലം കരുനാഗപ്പള്ളി ആലപ്പാട് സ്വദേശിനിയാണ്. മൃതദേഹം പോസ്റ്റ്മോര്ട്ടത്തിനുശേഷം ബന്ധുക്കള്ക്ക് വിട്ടുനല്കും. അന്തരിച്ച സംവിധായകന് ലെനിന് രാജേന്ദ്രന്റെ സന്തത സഹചാരിയായിരുന്നു.
ലെനിന് സംവിധാനം ചെയ്ത മകര മഞ്ഞിലൂടെയായിരുന്നു സിനിമാ രംഗത്തേയ്ക്ക് നയന പ്രവേശിക്കുന്നത്. പക്ഷികളുടെ മണം എന്ന ചിത്രം തിരക്കഥയെഴുതി സംവിധാനം ചെയ്തിട്ടുണ്ട്. നിരവധി പരസ്യ ചിത്രങ്ങളും ഇന്ത്യയിലും വിദേശത്തുമായി നൂറിലധികം സ്റ്റേജ് ഷോകളും സംവിധാനം ചെയ്തിട്ടുണ്ട്.
സിഡിറ്റില് ഫിലിം എഡിറ്റിങ് പഠിച്ചായിരുന്നു നയനയുടെ സിനിമയിലേക്കുള്ള രംഗപ്രവേശം. പിന്നീട് ലെനിന് രാജേന്ദ്രന്റെ ഡോക്യുമെന്ററികളുടെ അസിസ്റ്റന്റ് ആയി. പിന്നീട് ഡോ. ബിജുവിന്റെ ആകാശത്തിന്റെ നിറം, കമലിന്റെ കൂടെ സെല്ലുലോയ്ഡ്, ഉട്ടോപ്പിയയിലെ രാജാവ്, ജീത്തു ജോസഫിന്റെ മെമ്മറീസ്, കമലിന്റെ മകന്റെ കൂടെ 100 ഡേയ്സ് ഓഫ് ലവ്, ലെനിന്റെ തന്നെ ഇടവപ്പാതിയിലും നിരവധി സ്റ്റേജ്ഷോകളിലും അസിസ്റ്റ് ചെയ്തു. എട്ടുവര്ഷമായിട്ട് മലയാളസിനിമ അണിയറ പ്രവര്ത്തനങ്ങളില് നയന നിറ സാന്നിധ്യമായിരുന്നു.
ഫിലിം ഫെസ്റ്റുകള്ക്ക് പോയിത്തുടങ്ങിയതോടെയാണ് നയന സിനിമാ മേഖലയിലേക്ക് പ്രവേശിക്കുന്നത്. ഇതോടെ സിനിമ ചെയ്യണമെന്ന മോഹമുദിക്കുകയും ചെയ്തു. അങ്ങനെയാണ് ലെനിന് രാജേന്ദ്രന്റെ അടുത്ത് എത്തുന്നത്. അഡയാര് ഫിലിം ഇന്സ്റ്റിറ്റ്യൂട്ടില് പഠിക്കാന് ആഗ്രഹിച്ചിരുന്നെങ്കിലും വീട്ടുകാര് എതിര്ത്തതിനെ തുടര്ന്ന് സി ഡിറ്റില് ഒരു ഷോര്ട്ട് ടേം കോഴ്സ് ചെയ്ത് സംവിധാന മേഖലയിലേക്ക് എത്തുകയായിരുന്നു.
2017ല് ക്രോസ്റോഡ് എന്ന ചിത്രത്തിലൂടെയാണ് നയന സ്വതന്ത്രസംവിധായികയായത്. ഈസ്റ്റേണ് ഗ്ലോബലിന്റെ മികച്ച വനിതാ അധിഷ്ഠിത സിനിമ, മികച്ച ഛായഗ്രാഹണം, മികച്ച നടി കൂടാതെ തെക്കന് സ്റ്റാറിന്റെ മികച്ച നവാഗത സംവിധായിക തുടങ്ങി ചെറുതും വലതുമായി നിരവധി പുരസ്കാരങ്ങളും നയനയെ തേടിയെത്തിയിട്ടുണ്ട്. സ്വന്തം നാടായ ആലപ്പാടിലെ കരിമണല് ഖനനം ഏറെ ചര്ച്ചാ വിഷയമായ സാഹചര്യത്തില് ഇതുമായി ബന്ധപ്പെട്ട് ഒരു ഡോക്യുമെന്ററിയുടെ പണിപ്പുരയിലായിരുന്നു നയന.
സംസ്ഥാന പോലീസിന്റെ തലപ്പത്തിരുന്ന, ഡി.ജി.പി. റാങ്കില് വിരമിച്ച ഒരു ഉന്നത ഉദ്യോഗസ്ഥന് അഴിമതിക്കും അനധികൃത സ്വത്തുസമ്പാദനത്തിനും ശിക്ഷിക്കപ്പെട്ട് ജയിലിലേക്ക് പോകുന്നത്…
തിരുവനന്തപുരം : നഗരമധ്യത്തില് സ്ഥിതിചെയ്യുന്ന തിരുവനന്തപുരം മൃഗശാല വനമേഖലയോട് ചേര്ന്ന ഭാഗത്തേക്ക് മാറ്റിസ്ഥാപിക്കുന്നത് സംബന്ധിച്ച് വിവാദങ്ങളും ചര്ച്ചകളും കൊഴുക്കുന്നു. 'റീ…
മുസ്ലിം ലോകത്തിന്റെ ആത്മീയ കേന്ദ്രമായ സൗദി അറേബ്യയിലെ മക്ക ലക്ഷ്യമാക്കി നടന്ന ഹൂതികളുടെ ഡ്രോണ് ആക്രമണശ്രമം തടഞ്ഞ സംഭവം പശ്ചിമേഷ്യന്…
രാജ്യത്തെ ജനങ്ങളുടെ ആരോഗ്യ സംരക്ഷണത്തിലും ഡ്രഗ്സ് മാഫിയകൾക്കെതിരെയുള്ള പോരാട്ടത്തിലും വിട്ടുവീഴ്ചയില്ലാത്ത നിലപാടുമായി കേന്ദ്രത്തിലെ നരേന്ദ്ര മോദി സർക്കാർ. ഡോക്ടർമാരുടെ ഔദ്യോഗിക…
ഉത്തരേന്ത്യന് സംസ്ഥാനങ്ങള്ക്കിടയില് വര്ഷങ്ങളായി നിലനിന്നിരുന്ന ജലതര്ക്കങ്ങള് പരിഹരിച്ച്, 'കിഷാവു ബഹുഉദ്ദേശ്യ പദ്ധതി' (Kishau Multipurpose Project) യാഥാര്ത്ഥ്യമാക്കാനുള്ള ചരിത്രപരമായ കരാറില്…
നരേന്ദ്ര മോദി എന്ന രാഷ്ട്രീയ നേതാവിന്റെ കാല്നൂറ്റാണ്ട് നീണ്ട ഭരണയാത്ര, കവിത പോലെയുള്ള 76 കാന്വാസുകളിലേക്ക് പകര്ത്തപ്പെടുമ്പോള് ഡല്ഹിയിലെ അംബേദ്കര്…