പ്രേക്ഷകരെ ആവേശത്തിലാക്കാൻ കാന്താര ഇനി മലയാളത്തിലും ; ചിത്രത്തിന്റെ മലയാളം ട്രെയ്‌ലർ പുറത്ത്

കന്നഡ ചലച്ചിത്ര മേഖലയിൽ തരംഗമായ ചിത്രം കാന്താര ഇനി മലയാളത്തിലും. പ്രേക്ഷകരെ ഹരം കൊള്ളിക്കുന്ന ചിത്രത്തിന്റെ മലയാളം ട്രെയ്‌ലർ പുറത്ത്.

കെ.ജി.എഫ് നിർമാതാക്കളായ ഹോംബാലെ ഫിലിംസ് നിർമിച്ച് റിഷഭ് ഷെട്ടി സംവിധാനം ചെയ്ത് നായകനായി അഭിനയിച്ച ചിത്രത്തിന് വൻ വരവേല്പാണ് ലഭിക്കുന്നത്. ചിത്രം വിവിധ ഭാഷകളിലേക്ക് മൊഴിമാറ്റി എത്തുകയാണ്.

അണിയറ പ്രവർത്തകരാണ് ചിത്രത്തിന്റെ മലയാളം ട്രെയ്‌ലർ പുറത്തുവിട്ടിരിക്കുന്നത്. ഹോംബാലെ ഫിലിംസിന്റെ യുട്യൂബ് ചാനലിലൂടെയാണ് ട്രെയ്‌ലർ പുറത്തുവന്നിരിക്കുന്നത്. നായകനായ ശിവയിലൂടെയാണ് ചിത്രത്തിന്റെ കഥ സഞ്ചരിക്കുന്നത്. 19-ാം നൂറ്റാണ്ടില്‍ കാന്തപുരയില്‍ നടക്കുന്ന കഥയാണ് ചിത്രം പറയുന്നത്. പൃഥ്വിരാജ് പ്രൊഡക്ഷന്‍സാണ് ചിത്രം മലയാളത്തിൽ തിയേറ്ററുകളിലേയ്ക്ക് എത്തിക്കുന്നത്. ഒക്ടോബര്‍ 20ന് ചിത്രം മലയാളത്തില്‍ റിലീസ് ചെയ്യും.

. സപ്തമി ഗൌഡ, കിഷോര്‍, അച്യുത് കുമാര്‍, പ്രമോദ് ഷെട്ടി, ഷനില്‍ ഗുരു, പ്രകാശ് തുമിനാട്, മാനസി സുധീര്‍, നവീന്‍ ഡി പടീല്‍, സ്വരാജ് ഷെട്ടി, ദീപക് റായ് പനാജി, പ്രദീപ് ഷെട്ടി, രക്ഷിത് രാമചന്ദ്രന്‍ ഷെട്ടി, പുഷ്പരാജ് ബൊല്ലാറ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്