മംഗലപുരത്ത് പെൺകുട്ടിയെ വീട്ടിൽ കയറി പീഡിപ്പിക്കാൻ ശ്രമം; പ്രതികളെ പിടികൂടി പോലീസ്.

തിരുവനന്തപുരം: പെൺകുട്ടിയെ പട്ടാപ്പകൽ വീട്ടിൽ കയറി പീഡിപ്പിക്കാൻ ശ്രമിച്ച സംഭവത്തിൽ കൊല്ലം സ്വദേശികളായ രണ്ട് പേരെ പോലീസ് പിടികൂടി. മലയാളി സമൂഹത്തെ ഞെട്ടിച്ച ഈ സംഭവം തിരുവനന്തപുരം മംഗലപുരതാണ് നടന്നത്. കേബിൾ ജോലിക്കായി എത്തിയവരായിരുന്നു ഇവർ രണ്ടുപേരും.

കഴിഞ്ഞ ദിവസമുണ്ടായ സംഭവത്തിൽ പെൺകുട്ടി വീട്ടിൽ ഒറ്റക്കായിരുന്ന സമയത്താണ് അക്രമികൾ വീട്ടിൽ കയറിയത്. പെൺകുട്ടി ബഹളം വെച്ചതോടെ അക്രമികൾ പെൺകുട്ടിയുടെ വായിൽ തുണി തിരുകി വെയ്ക്കുവാൻ ശ്രമിച്ചു. എന്നാൽ പെൺകുട്ടി അവരെ പ്രതിരോധിച്ചു സ്ഥലത്ത് നിന്നും ഓടി രക്ഷപെട്ടു.

പെൺകുട്ടിയുടെ പരാതിയെത്തുടർന്ന് പോലീസ് രണ്ടുപേരെയും കഴിഞ്ഞ ദിവസം തന്നെ അറസ്റ്റ് ചെയ്തു. പ്രതികളുടെ വിശദാംശങ്ങൾ പോലിസ് പുറത്ത് വിട്ടിട്ടില്ല, വിശദമായ അന്വേഷണത്തിന് ശേഷം വിവരങ്ങൾ അറിയിക്കാം എന്ന് പോലീസ് അറിയിച്ചു