ഭര്‍ത്താവിന്‍റെ വീരതയുടെ ഓര്‍മകളില്‍ കനിക: രക്തസാക്ഷി മേജർ കൗസ്തുബ് റാണെയുടെ ഭാര്യ കാനിക ആര്‍മിയില്‍ ചേരുന്നു

ജമ്മുകാശ്മീര്‍: ഗുരോസിൽ തീവ്രവാദികളുമായുളള ഏറ്റമുട്ടലിൽ കൊല്ലപ്പെട്ട മേജർ കൗസ്തുബ് റാണെയുടെ ഭാര്യ സൈന്യത്തിൽ ചേരുന്നു. ഭർത്താവ് കൗസ്തുഭ് റാണെ രക്തസാക്ഷിത്വം വരിച്ച് ഒരു വർഷത്തിന് ശേഷമാണ് ഭാര്യ കാനിക സൈന്യത്തിൽ ചേരുന്നത്. തന്‍റെ ഭർത്താവിന്‍റെ വീരതയുടെ ഓർമ്മകൾ സജീവമായി നിലനിർത്താനാണ് സായുധ സേനയിൽ ചേരുന്നതെന്ന് കാനിക വ്യക്തമാക്കി. മൂന്ന് വയസ്സുളള മകനും യൂണിഫോം നൽകാനാണ് തന്‍റെ ആഗ്രഹം.

കാനിക ആർമിയിൽ ചേരുന്നതിന് പരീക്ഷ എഴുതി. ഒക്ടോബറിൽ പരിശീലനത്തിനായി ചെന്നൈയിലേക്ക് പോകാനൊരുങ്ങുകയാണ്. തന്‍റെ ഭർത്താവ് വളരെ സജീവമായി പ്രവർത്തിക്കുകയും സന്തോഷം ആഗ്രഹിക്കുകയും ചെയ്യുന്ന ആളായിരുന്നു, അതു കൊണ്ട് തന്നെ കരച്ചിൽ ഒരിക്കലും കാണാൻ കഴിയില്ലെന്ന് കാനിക പറഞ്ഞു. സേനയിൽ ചേരുന്നതിലൂടെ ഭർത്താവിന്‍റെ സ്വപ്‌നം നിറവേറ്റുകയാണെന്ന് അവർ പറഞ്ഞു. തന്‍റെ മകൻ ആർമി അന്തരീക്ഷത്തിൽ വളരണം. അച്ഛൻ രാജ്യത്തിന് ചെയ്ത ത്യാഗത്തിൽ അവൻ അഭിമാനിക്കണമെന്നും അവർ പറഞ്ഞു.