കൊച്ചിയിൽ നവജാത ശിശുവിന് എടുത്ത പ്രതിരോധ കുത്തിവെയ്പ്പിൽ വൻ വീഴ്ച;7 ദിവസത്തിന് ശേഷം നൽകേണ്ട കുത്തിവെയ്പ്പിന് പകരം നൽകിയത് ഒരു മാസം കഴിഞ്ഞു നൽകേണ്ട കുത്തിവയ്പ്പ്

കൊച്ചി:നവജാത ശിശുവിന് എടുത്ത പ്രതിരോധ കുത്തിവെയ്പ്പിൽ വൻ വീഴ്ച്ച. ഇടപ്പള്ളി പ്രാഥമിക ആരോഗ്യ കേന്ദ്രത്തിലാണ് വീഴ്ച്ച സംഭവിച്ചത്. 7 ദിവസത്തിന് ശേഷം നൽകേണ്ട കുത്തിവെയ്പ്പിന് പകരം കുഞ്ഞിന് നൽകിയത് ഒരു മാസം കഴിഞ്ഞു നൽകേണ്ട കുത്തിവയ്പ്പാണ്. ഇതേതുടർന്ന് ആരോഗ്യകേന്ദ്രത്തിന് നേരെ പരാതിയുമായി രംഗത്തെത്തിയിരിക്കുകയാണ് ബന്ധുക്കളും നാട്ടുകാരും.

പാലാരിവട്ടം സ്വദേശികളായ ദമ്പത്തികളുടെ കുട്ടിക്കാണ് കുത്തിവയ്പ്പ് മാറിയെടുത്തത്. കുട്ടിക്ക് തുടർച്ചയായി ആരോഗ്യ പ്രശ്‌നങ്ങൾ ഉള്ളതായി ബന്ധുക്കൾ പറയുന്നു. പ്രാഥമികാരോഗ്യ കേന്ദ്രത്തിലെ ജീവനക്കാർക്കെതിരെ കുടുംബം ആരോഗ്യമന്ത്രിക്കും ജില്ല പോലീസ് മേധാവിക്കും പരാതി നൽകിയിട്ടുണ്ട്.