പാർട്ടി നേതൃത്വത്തിനെതിരെ ആഞ്ഞടിച്ച് എം.കെ.രാഘവൻ എംപി; അടിയന്തിര റിപ്പോർട്ട് തേടി സുധാകരന്‍

തിരുവനന്തപുരം : കെപിസിസി നേതൃത്വത്തിനെതിരെ പാർട്ടിയുടെ മുതിർന്ന നേതാവും എംപിയുമായ എം.കെ.രാഘവന്റെ രൂക്ഷവിമർശനത്തിൽ കെപിസിസി പ്രസിഡന്റ് കെ.സുധാകരൻ അടിയന്തിര റിപ്പോര്‍ട്ട് തേടി. കോഴിക്കോട് ഡിസിസി പ്രസിഡന്റ് പ്രവീൺ കുമാറിനോടാണ് അദ്ദേഹം റിപ്പോര്‍ട്ട് തേടിയത്. ഉപയോഗിച്ച് വലിച്ചെറിയുക എന്നതാണ് കോണ്‍ഗ്രസ് രീതി’ എന്ന രാഘവന്റെ പരാമര്‍ശം ഏറെ രാഷ്ട്രീയ ചർച്ചകൾക്ക് കളമൊരുക്കിയിരിക്കുകയാണ്. പാർട്ടിയിൽ വിയോജിപ്പും വിമർശനവും നടത്താൻ പറ്റാത്ത സ്ഥിതിയാണെന്നും ലീഗിൽ പോലും ഉൾപാർട്ടി ജനാധിപത്യം പുനഃസ്ഥാപിച്ചെന്നും എം.കെ.രാഘവന്‍ കോഴിക്കോട്ട് വ്യക്തമാക്കിയിരുന്നു.

കോഴിക്കോട് ഡിസിസിയുടെ ആഭിമുഖ്യത്തിൽ സംഘടിപ്പിച്ച പരിപാടിയിലായിരുന്നു എം.കെ.രാഘവന്റെ വിമർശനം . കോഴിക്കോട് ഡിസിസി പ്രസിഡന്റ് പ്രവീൺ കുമാറായിരുന്നു യോഗത്തിന്റെ അദ്ധ്യക്ഷൻ. ഇന്ന് രാത്രി 7 മണിക്കു മുൻപ് തന്നെ റിപ്പോർട്ട് നൽകണമെന്നാണ് കെ. സുധാകരന്റെ നിർദേശിച്ചിരിക്കുന്നത് .