മോദിയുടെ സത്യപ്രതിജ്ഞയും പാകിസ്ഥാന്റെ തോൽവിയും ! ഞായറാഴ്ച ഇന്ത്യക്കാർക്കുണ്ടായത് ഇരട്ട സന്തോഷമെന്ന് പാകിസ്ഥാൻ മുൻ ക്രിക്കറ്റ് താരം ഡാനിഷ് കനേരിയ

പ്രധാനമന്ത്രി നരേന്ദ്രമോദിയ്‌ക്ക് ആശംസകൾ അറിയിച്ച് പാകിസ്ഥാൻ മുൻ ക്രിക്കറ്റ് താരം ഡാനിഷ് കനേരിയ. ഞായറാഴ്ച ഇന്ത്യക്കാർക്ക് ഇരട്ട സന്തോഷമായിരുന്നുവെന്നാണ് ഡാനിഷ് കനേരിയ പറയുന്നത്. പാകിസ്ഥാനെതിരായ ഇന്ത്യയുടെ വിജയത്തെയും നരേന്ദ്രമോദിയുടെ മൂന്നാമൂഴത്തെയും പരാമർശിച്ചാണ് ഡാനിഷ് കനേരിയയുടെ വാക്കുകൾ.

നരേന്ദ്ര മോദി വീണ്ടും ഇന്ത്യയുടെ പ്രധാനമന്ത്രിയായതിന് ആശംസകൾ നേരുന്നു. അദ്ദേഹം രാജ്യത്തിന് വേണ്ടി ഒരുപാട് കാര്യങ്ങൾ ചെയ്തു. ഞായറാഴ്ച ഇന്ത്യക്കാർക്ക് ഇരട്ട സന്തോഷമായിരിക്കും, മോദിയുടെ സത്യപ്രതിജ്ഞാ ചടങ്ങ്, ന്യൂയോർക്കിൽ ഇന്ത്യ പാകിസ്ഥാനെ തോൽപ്പിച്ചത് ഇങ്ങനെ ഇരട്ട സന്തോഷമാണ് ഇന്നലെ ഇന്ത്യക്കാർക്ക് ഉണ്ടായത്.

അതേസമയം, പാകിസ്ഥാൻ ടീമിനെ അദ്ദേഹം വിമർശിക്കുകയും ചെയ്തു. അവരുടെ ഈഗോ ഒരിക്കലും അവസാനിക്കുന്നില്ല. അവരുടെ ഉദ്ദേശ്യങ്ങൾ വ്യക്തമല്ലെന്നും ആരും രാജ്യത്തെക്കുറിച്ച് ചിന്തിക്കുന്നില്ലെന്നും ഡാനിഷ് കനേരിയ പറയുന്നു. എന്നാൽ, ഒരു ടീമിനെ ഉണ്ടാക്കുന്നത് ഇങ്ങനെയല്ല. കരിയറിൽ നിങ്ങൾ അനീതി കാണിക്കുകയാണെങ്കിൽ, മത്സരത്തിൽ സംഭവിച്ചത് എല്ലായ്പ്പോഴും സംഭവിക്കുമെന്നും അദ്ദേഹം കൂട്ടിച്ചേർത്തു.