മുദ്രാവായ്പ നിഷേധിക്കുന്ന പൊതുമേഖലാ ബാങ്കുകളുടെ മുന്നില്‍ ധര്‍ണ നടത്തി

വയനാട്: മുദ്രാവായ്പാ നിഷേധത്തിനെതിരെ എ.എച്ച്.പി സമരസമിതി വയനാട് ,സുൽത്താൻ ബത്തേരി എസ് ബി ഐക്ക് മുന്നിൽ ധർണ നടത്തി. ഹിന്ദു ഹെൽപ് ലൈൻ സംസ്ഥാന ജോ. കോർഡിനേറ്റർ ബിനിൽ സോമസുന്ദരം ഉദ്ഘാടനം ചെയ്തു .ചെറുകിട സംരംഭങ്ങളെ ഔപചാരിക സാമ്പത്തിക വ്യവസ്ഥയിലേക്ക് കൊണ്ടു വരുക എന്ന ലക്ഷ്യത്തോടെയുള്ള മുദ്രാ വായ്പാ പദ്ധതിയോട് എസ് ബി ഐ പോലുള്ള പൊതുമേഖലാ ബാങ്കുകള്‍ കാണിക്കുന്ന നിഷേധാത്മക സമീപനം പൗരാവകാശ ലംഘനവും രാജ്യദ്രോഹപരവുമാണെന്ന് ബിനില്‍ സോമസുന്ദരം പറഞ്ഞു. സാധാരണക്കാരനോടുള്ള നീതി നിഷേധത്തെ എന്ത് വില കൊടുത്തും പ്രതിരോധിക്കുമെന്നും അദ്ദേഹം പറഞ്ഞു.
എ എച്ച് പി വയനാട് ജില്ലാ അദ്ധ്യക്ഷൻ വിശ്വനാഥൻ ,എ എച്ച് പി സമരസമിതി ചെയർമാൻ കെ കെ രാജൻ ,സമരസമിതി ജനറൽ കൺവീനർ വിജയകുമാർ എന്നിവർ നേതൃത്വം നൽകി