ഭാര്യയെയും മകനെയും കഴുത്തുഞെരിച്ച്‌ കൊന്നു; പിന്നീട് നടന്നത് സിനിമയെ വെല്ലുന്ന കഥ, 40കാരന്‍ ഒളിവില്‍

ദില്ലി: 40കാരന്‍ ഭാര്യയെയും മകനെയും കഴുത്തുഞെരിച്ച്‌ കൊലപ്പെടുത്തി. തുടർന്ന് കുടുംബ വാട്‌സ്‌ആപ്പ് ഗ്രൂപ്പില്‍ കുറ്റസമ്മതം നടത്തി യുവാവ് മുങ്ങിയതായി പോലീസ് പറയുന്നു. ഒളിവില്‍ പോയ പ്രതിക്കായി പോലീസ് തിരച്ചില്‍ തുടരുകയാണ്.

ദില്ലിയിലെ ഗീത കോളനിയിലാണ് ഈ ദാരുണ സംഭവം നടന്നത്. സാമ്പത്തിക പ്രശ്നങ്ങളാണ് കൊലയ്ക്കുള്ള കാരണമെന്നാണ് പോലീസ് സംശയിക്കുന്നത്. ദില്ലിയിലെ ഗീത കോളനിയില്‍ പലചരക്ക് കട നടത്തുന്ന പ്രതി സച്ചിന്‍ കൃത്യം നടത്തിയ ശേഷം വീട്ടില്‍ നിന്ന് ഓടി രക്ഷപ്പെടുകയായിരുന്നെന്നാണ് ലഭിക്കുന്ന വിവരം.

പോലീസ് ഫോറന്‍സിക് സംഘം സ്ഥലത്തെത്തി മൃതദേഹങ്ങള്‍ കണ്ടെടുത്തുവെന്ന് ഷഹ്‌ദര ഡെപ്യൂട്ടി പോലീസ് കമ്മീഷണര്‍ ആര്‍ സത്യസുന്ദരം പറഞ്ഞു. 35 വയസ്സുള്ള സ്ത്രീയുടെ മൃതദേഹം കട്ടിലിലും 15 വയസ്സുള്ള മകന്റെ മൃതദേഹം തറയിലുമായിട്ടാണ് കിടന്നിരുന്നത്. പോലീസ് പ്രതിക്കായി അന്വേഷണം ഊർജ്ജിതമാക്കി.