‘ഒൻപത് വർഷങ്ങൾക്കൊണ്ട് രാജ്യത്തെ ആരോഗ്യ രംഗത്ത് മാറ്റങ്ങൾ വരുത്തുവാൻ നരേന്ദ്ര മോദി സർക്കാരിന് സാധിച്ചു; കോവിഡ് കാലത്ത് ഭാരതം നടത്തിയ കാര്യക്ഷമമായ വാക്‌സിനേഷൻ പ്രക്രിയ ലോകത്തെ അത്ഭുതപ്പെടുത്തി’ – അമൃത ആശുപത്രി രജതജൂബിലി ആഘോഷം ഉദ്‌ഘാടനം ചെയ്ത് അമിത് ഷാ

കഴിഞ്ഞ ഒൻപത് വർഷങ്ങൾക്കൊണ്ട് രാജ്യത്തെ ആരോഗ്യ രംഗത്ത് മാറ്റങ്ങൾ വരുത്തുവാൻ നരേന്ദ്ര മോദി സർക്കാരിന് സാധിച്ചെന്ന് കേന്ദ്രമന്ത്രി അമിത് ഷാ വ്യക്തമാക്കി. അമൃത ആശുപത്രി രജതജൂബിലി ആഘോഷം ഉദ്‌ഘാടനം ചെയ്ത് സംസാരിക്കുകയായിരുന്നു അദ്ദേഹം. പല പദ്ധതികൾ വഴി ചികിത്സാ സഹായങ്ങൾ വർധിപ്പിച്ചു. 648 മെഡിക്കൽ കോളേജുകളാണ് രാജ്യത്തിന്ന് പ്രവർത്തിക്കുന്നത്. കൂടാതെ, മെഡിക്കൽ സീറ്റുകളുടെ എണ്ണം കൂട്ടി. കോവിഡ് കാലത്തെ കാര്യക്ഷമമായ വാക്‌സിനേഷൻ പ്രക്രിയ ലോകത്തെ അത്ഭുതപ്പെടുത്തിയെന്നും അദ്ദേഹം കൂട്ടിച്ചേർത്തു.

ഒഡിഷ ട്രെയിൻ ദുരന്തത്തിൽ മരണപ്പെട്ടവർക്ക് അനുശോചനം രേഖപ്പെടുത്തിയാണ് അദ്ദേഹം പ്രസംഗം ആരംഭിച്ചത്. മാതാ അമൃതാനന്ദമയി രാജ്യത്തിനുമാത്രമല്ല ലോകത്തിനെയും സ്വാധീനിക്കുന്ന രീതിയിൽ സംഭാവന നൽകിയെന്ന് അദ്ദേഹം ചൂണ്ടിക്കാട്ടി. ആഘോഷങ്ങളോട് അനുബന്ധിച്ച് 65 കോടി രൂപയുടെ സൗജന്യ ചികിത്സാപദ്ധതിയാണ് പ്രഖ്യാപിച്ചിരിക്കുന്നത്.