ഏറ്റവും ശക്തനായ ഭരണാധികാരി മോദി തന്നെ! 13 ആഗോള നേതാക്കളെ പിന്തള്ളി ലോകത്തിലെ ജനപ്രിയ നേതാക്കളില്‍ ഒന്നാം സ്ഥാനത്ത് എത്തി ഭാരത പ്രധാനമന്ത്രി

വാഷിംങ്ടണ്‍: ലോകത്തിലെ ഏറ്റവും ജനപ്രിയ നേതാവ് നരേന്ദ്ര മോദി തന്നെയെന്ന് സര്‍വെഫലം. യുഎസ് ആസ്ഥാനമായുള്ള, ഗ്ലോബല്‍ ലീഡര്‍ അപ്രൂവല്‍ ട്രാക്കര്‍ – മോണിംഗ് കണ്‍സള്‍ട്ട് എന്ന സ്ഥാപനമാണ് സര്‍വെ ഫലം പുറത്തുവിട്ടത്. സര്‍വെ പ്രകാരം, പ്രധാനമന്ത്രി നരേന്ദ്ര മോദി ലോകത്തിലെ ഏറ്റവും ജനപ്രിയ നേതാവായി ഒന്നാം സ്ഥാനത്ത് തന്നെ തുടരുന്നുവെന്നാണ് കാണിക്കുന്നത്. 77% ജനങ്ങളും, ശക്തനായ ഭരണാധികാരിയെന്ന നിലയില്‍ അദ്ദേഹത്തെ പിന്തുണയ്ക്കുന്നതായി സര്‍വെ വ്യക്തമാക്കുന്നു.

മാത്രമല്ല 13 രാജ്യങ്ങളില്‍ നിന്നുള്ള നേതാക്കളില്‍ ഏറ്റവും ഉയര്‍ന്ന അംഗീകാരം പ്രധാനമന്ത്രി നരേന്ദ്ര മോദിയ്ക്കാണ് എന്നുള്ളത് ശ്രദ്ധേയമാണ്. 13 ലോകനേതാക്കളില്‍ പ്രധാനമന്ത്രി മോദി ഒന്നാം സ്ഥാനത്തും(77%) , മെക്‌സിക്കോയുടെ ആന്ദ്രേസ് മാനുവല്‍ ലോപ്പസ് ഒബ്രഡോര്‍ (63%) രണ്ടാം സ്ഥാനത്തും, ഇറ്റലിയിലെ മരിയോ ഡ്രാഗി (54%) മൂന്നാം സ്ഥാനത്തും ഉണ്ട്. എന്നാല്‍, യുഎസ് പ്രസിഡന്റ് ജോ ബൈഡന്‍, കനേഡിയന്‍ പ്രസിഡന്റ് ജസ്റ്റിന്‍ ട്രൂഡോ, ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍ എന്നിവര്‍ സര്‍വേയില്‍ ഏറെ പിന്നിലാണ് ഉള്ളത്.