പുതിയ കോൺഗ്രസ് അദ്ധ്യക്ഷൻ മല്ലികാജുന്‍ ഖാര്‍ഗെ; എട്ടായിരത്തോളം വോട്ടുകള്‍ നേടി തരൂരിനേക്കാൾ ഒരുപാട് മുന്നിൽ ഖാര്‍ഗെ: ശക്തമായി ക്രമക്കേട് ആരോപിച്ച് തരൂർ

ദില്ലി: പുതിയ കോൺഗ്രസ് അദ്ധ്യക്ഷൻ മല്ലികാജുന്‍ ഖാര്‍ഗെ. എഐസിസി ആസ്ഥാനത്ത് രാവിലെ പത്ത് മണി മുതല്‍ ആരംഭിച്ച വോട്ടെണ്ണല്‍ നടപടികള്‍ പൂര്‍ത്തിയാകാനാകുമ്പോള്‍ മല്ലികാര്‍ജ്ജുന്‍ ഖര്‍ഗെ എതിരാളി ശശി തരൂരിനെക്കാള്‍ ഒരുപാട് മുന്നിലാണ്. എട്ടായിരത്തോളം വോട്ടുകള്‍ നേടി ഖര്‍ഗെ മുന്നേറുമ്പോള്‍ ശശി തരൂര്‍ 1050 വോട്ടുകള്‍ നേടി തരൂര്‍ തന്റെ ശക്തിയും തെളിയിച്ചു. 9497 വോട്ടുകളാണ് ആകെ പോള്‍ ചെയ്തത്.

അട്ടിമറിയൊന്നും ഉണ്ടാകില്ലെന്ന് തുടക്കം മുതല്‍ എല്ലാവരും പ്രതീക്ഷിച്ചത്. ഖര്‍ഗെയുടെ വിജയം ഔദ്യോഗികമായി പ്രഖ്യാപിച്ചതോടെ ഖാര്‍ഗെ ക്യാമ്പ് ആഘോഷം തുടങ്ങി കഴിഞ്ഞു. കോണ്‍ഗ്രസിന് ഇനി ഖാര്‍ഗെ നയിക്കുമെന്ന ബോര്‍ഡുകള്‍ പലയിടത്തും ഉയര്‍ന്നുകഴിഞ്ഞു. തരൂരിന് കിട്ടുന്ന പിന്തുണയെന്താകുമെന്ന് ഔദ്യോാഗിക പക്ഷത്തിന് ആകാംക്ഷയുണ്ട്. 1000ല്‍ അധികം വോട്ടുനേടി ശക്തി കാട്ടാന്‍ തരൂരിന് കഴിഞ്ഞു എന്നത് ശ്രദ്ധേയമാണ്.

അതേസമയം, വോട്ടെണ്ണല്‍ ആരംഭിച്ച് കാണിക്കൂറുകള്‍ കഴിയും മുന്നേ പോളിംഗില്‍ വ്യാപക ക്രമക്കേട് നടന്നെന്ന് ശശി തരൂര്‍ ആരോപിച്ചു. ഉത്തര്‍പ്രദേശിലെയും തെലങ്കാനയിലെയും വോട്ടുകള്‍ എണ്ണരുതെന്നും തരൂര്‍ ആവശ്യപ്പെട്ടു. പല സംസ്ഥാനങ്ങളിലെയും ബാലറ്റ് പെട്ടികള്‍ എഐസിസിയില്‍ എത്തിക്കാന്‍ വൈകി എന്നും പരാതിയുണ്ട്. എന്നാല്‍ ഇത് പരിഗണിക്കപ്പെട്ടില്ല.