രഹസ്യ പ്രവർത്തനം നടത്തിയ പോപ്പുലർ ഫ്രണ്ട് പ്രവർത്തകന് പിടി വീണു; കൊല്ലത്ത് എൻ ഐ എ റെയ്‌ഡ്‌; ഒരാൾ കസ്റ്റഡിയിൽ

കൊല്ലം: നിരോധനം മറികടന്ന് രഹസ്യ പ്രവർത്തനം നടത്താനും നിയമ വിരുദ്ധ ഗൂഡാലോചന നടത്താനും ശ്രമിച്ച പോപ്പുലർ ഫ്രണ്ട് ഭീകരൻ പിടിയിൽ. കൊല്ലത്ത് എൻ ഐ എ നടത്തിയ റെയ്‌ഡിലാണ് ഓട്ടോ ഡ്രൈവറായ മുഹമ്മദ് സാദിഖിനെ കസ്റ്റഡിയിലെടുത്തത്. നാല് മണിക്കൂറുകളോളം നീണ്ട റെയ്‌ഡിൽ നിർണ്ണായക തെളിവുകളും രേഖകളും പിടിച്ചെടുത്തതായി സൂചന. മുഹമ്മദ് സാദിഖിന്റെ കൊല്ലം ചവറയിലെ വീട്ടിലാണ് ഇന്ന് പുലർച്ചെ മൂന്നരയോടെ റെയ്‌ഡ്‌ നടന്നത്. പോലീസ് സഹായത്തോടെ ഇന്ന് പുലർച്ചെയാണ് റെയ്‌ഡ്‌ നടന്നത്. കസ്റ്റഡിയിലായ സാദിഖിനെ കൊച്ചി എൻ ഐ എ ഓഫീസിലേക്ക് കൊണ്ടുപോയി.

കഴിഞ്ഞ വർഷം സെപ്റ്റംബറിലാണ് പോപ്പുലർ ഫ്രണ്ടിനെ രാജ്യ വിരുദ്ധ പ്രവർത്തനങ്ങളുടെ പേരിൽ കേന്ദ്ര സർക്കാർ നിരോധിച്ചത്. രാജ്യവ്യാപക റെയ്‌ഡിന്‌ പിന്നാലെയായിരുന്നു നിരോധനം. നിരോധനത്തിന് ശേഷം പിടിയിലായ ഉന്നത നേതാക്കളെ ചോദ്യം ചെയ്തതിൽ നിന്ന് ലഭിച്ച വിവരങ്ങളുടെ അടിസ്ഥാനത്തിൽ നിരവധി റെയ്‌ഡുകൾ എൻ ഐ എ നടത്തിവരികയാണ്. നേതാക്കളുടെ രഹസ്യ പ്രവർത്തനവും ഫണ്ട് ശേഖരണവുമെല്ലാം ഇപ്പോൾ കേന്ദ്ര ഏജൻസികൾ നിരീക്ഷിക്കുകയാണ്.