India

രണ്ട് ടവറുകളിലായി 40 നിലകളും 900 ഫ്ളാറ്റുകളുമുള്ള കൂറ്റൻ കെട്ടിടങ്ങൾ 9 സെക്കൻഡുകൾ കൊണ്ട് പൊടിപടലമായി; മരട് മോഡൽ നിയന്ത്രിത സ്ഫോടനത്തിലൂടെ കെട്ടിടങ്ങൾ പൊളിച്ച കാരണങ്ങൾ ഞെട്ടിപ്പിക്കുന്നത്; കെട്ടിപ്പൊക്കാൻ വേണ്ടി വന്നത് 400 കോടി പൊളിച്ചടുക്കാൻ ചെലവായത് 20 കോടി!

നോയിഡ: മരട് മോഡൽ നിയന്ത്രിത സ്ഫോടനത്തിലൂടെ കൂറ്റൻ കെട്ടിടങ്ങൾ പൊളിച്ച് ഉത്തർപ്രദേശിലെ നോയിഡ നഗരസഭ. മാനദണ്ഡങ്ങൾ പാലിക്കാതെ നിർമ്മാണ പ്രവർത്തനങ്ങൾ കാരണം സുപ്രീം കോടതി വിധിയെ തുടർന്നാണ് സൂപ്പർ ടെക്കിന്റെ ഈ ഫ്‌ളാറ്റ് സമുച്ചയവും ഇന്നുച്ചയ്ക്ക് 02.30 ന് ഇമ്പ്ലോഷൻ സാങ്കേതിക വിദ്യ ഉപയോഗിച്ച് പൊളിച്ചത്. 400 കോടി രൂപ നിർമ്മാണ ചെലവ് വന്ന കെട്ടിടത്തിന് രണ്ട് ടവറുകളിലായി 40 നിലകളും 900 ഫ്ളാറ്റുകളുമുണ്ടായിരുന്നു. ഇന്ത്യയിൽ ഈ രീതിയിൽ പൊളിക്കുന്ന ഏറ്റവും ഉയരം കൂടിയ കെട്ടിടമായിരുന്നു ഇത്. 3700 കിലോ ഗ്രാം സ്‌ഫോടക വസ്തുക്കളാണ് നിയന്ത്രിത സ്‌ഫോടനത്തിന് ഉപയോഗിച്ചത്. 20 കോടി രൂപയാണ് കെട്ടിടം പൊളിക്കാനായി വന്ന ചെലവ്.

വിപുലമായ ഒരുക്കങ്ങളും നിയന്ത്രണങ്ങളുമാണ് കെട്ടിടം പൊളിക്കുന്നതുമായി ബന്ധപ്പെട്ട് ഏർപ്പെടുത്തിയിരുന്നത്. മേഖലയൊന്നാകെ ഒഴിപ്പിച്ചിരുന്നു. ഈ ഭാഗത്തേക്കുള്ള ഗതാഗതം നിയന്ത്രിച്ചിരുന്നു. ദുരന്ത നിവാരണ സേനയും ഫയർ ഫോഴ്‌സുമടക്കം വിപുലമായ രക്ഷാ ദൗത്യ സംഘവും നിലയുറപ്പിച്ചിരുന്നു. സ്‌ഫോടനങ്ങൾക്ക് ശേഷം സ്ഥലത്ത് വിപുലമായ പരിശോധന ആരംഭിച്ചിട്ടുണ്ട്. പൊടി പടലങ്ങളും കെട്ടിടാവശിഷ്ടങ്ങളും നീക്കം ചെയ്യാനുള്ള പ്രവർത്തനങ്ങൾക്കും അൽപ്പ സമയത്തിനുള്ളിൽ തുടക്കമാകും.

നിർമ്മാണ ചട്ടങ്ങളുടെ ഗുരുതരമായ ലംഘനം നടത്തിയാണ് കെട്ടിടങ്ങൾ പണിതതെന്ന് സുപ്രീംകോടതി ഒരു വർഷം മുമ്പ് വിലയിരുത്തിയാണ് പൊളിച്ചു കളയാനുള്ള വിധി പ്രസ്താവിച്ചത്. കഴിഞ്ഞ വർഷം ആഗസ്റ്റിലാണ് കോടതി മൂന്നു മാസത്തിനകം പൊളിക്കണമെന്ന ഉത്തരവിട്ടത്. 14 ടവറുകളിലായി 9 നിലകൾ പണിയാനായിരുന്നു അനുമതി. പക്ഷെ 2 ടവറുകളിലായി 40 നിലകളാണ് സൂപ്പെർട്ടക്‌ പടുത്തുയർത്തിയത്. 9 വർഷം നീണ്ട നിയമ പോരാട്ടങ്ങൾക്കും വിധിക്ക് ശേഷം ഒരു വർഷം നീണ്ട സാങ്കേതിക തടസ്സങ്ങൾക്കും ശേഷമാണ് ഇന്ന് കുത്തബ് മീനാറിനെക്കാളും ഉയരമുള്ള ഈ അംബര ചുംബികൾ തകർന്ന് വീണത്. പൊളിക്കൽ വിജയകരമാണെന്ന് ഈ ഘട്ടത്തിൽ വിലയിരുത്താമെങ്കിലും വിശദമായ പരിശോധനകൾ നടന്നുവരികയാണ്. ഏതാണ്ട് 80000 ടൺ അവശിഷ്ടങ്ങൾ നീക്കം ചെയ്യാൻ മൂന്നു മാസം സമയമെടുക്കുമെന്നാണ് വിലയിരുത്തപ്പെടുന്നത്. അവശിഷ്ടങ്ങൾ മാറ്റാനായി ജില്ലാ ഭരണകൂടം മറ്റൊരു സ്ഥലവും ഒരുക്കിയിട്ടുണ്ട്.

B4 Admin

Recent Posts

ഭക്തിനിർഭരമായ ചടങ്ങുകളോടെ പണ്ഡാര പൊങ്കാല അടുപ്പ് ഒരുങ്ങി: കാർത്തിക പൊങ്കാലയ്ക്കായി ആത്മീയ ആവേശത്തിലേക്ക് ഉണർന്ന് ചക്കുളത്തുകാവ്!

ഭാരതത്തിന്റെ സനാതന സാംസ്കാരിക പൈതൃകത്തിന്റെയും അചഞ്ചലമായ ദേവീഭക്തിയുടെയും പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ വിശ്വപ്രസിദ്ധമായ കാർത്തിക പൊങ്കാല മഹോത്സവത്തിന്…

12 minutes ago

സിപിഎം സെക്രട്ടറി സ്ഥാനത്തുനിന്നുള്ള മാറ്റം അറിയാതെയാണ് കോടിയേരി മരിച്ചതെന്ന് വെളിപ്പെടുത്തൽ: പിണറായിക്കെതിരെ ഭാര്യാസഹോദരൻ

സിപിഎം മുൻ സംസ്ഥാന സെക്രട്ടറി കോടിയേരി ബാലകൃഷ്ണന്റെ അവസാന നാളുകളെക്കുറിച്ച് നിർണായക വെളിപ്പെടുത്തലുകളുമായി ഭാര്യയുടെ സഹോദരൻ എസ്.ആർ. വിനയകുമാർ. പാർട്ടി…

7 hours ago

കലാപഭൂമിയിൽ കരുതലിന്റെ കരങ്ങളുമായി ആർ.എസ്.എസ്: മണിപ്പൂരിന്റെ അഖണ്ഡതയും സമാധാനവും കാത്തുസൂക്ഷിക്കാൻ ദേശീയ ദൗത്യം

നവംബർ 16 മുതൽ 20 വരെ അസം, മണിപ്പൂർ എന്നിവിടങ്ങളിൽ ആർ.എസ്.എസ് സർസംഘചാലക് ഡോ. മോഹൻ ഭാഗവത് നടത്തിയ പഞ്ചദിന…

7 hours ago

പഞ്ചാബ് പോലീസുകാരന്റെ കൊലപാതകം: പ്രധാന പ്രതി ഹാപ്പി ബഹ്മാൻ പിടിയിൽ!

പഞ്ചാബ് പോലീസുകാരന്റെ കൊലപാതകക്കേസിൽ പ്രധാന ഷൂട്ടറെന്ന് സംശയിക്കുന്ന ഹാപ്പി ബഹ്മാനെ പിടികൂടി. പഞ്ചാബ് പോലീസിന്റെ ആന്റി ഗ്യാങ്സ്റ്റർ ടാസ്‌ക് ഫോഴ്‌സ്…

8 hours ago

ബാലിയിൽ 50 അടി ഉയരത്തിൽ ഗണേശ വിഗ്രഹം: 126 കലാകാരന്മാരുടെ കരവിരുതിൽ ഗിന്നസ് വേൾഡ് റെക്കോർഡിൽ ഇടംനേടി സനാതന പൈതൃകം!

ഇന്തോനേഷ്യയിലെ ബാലി പ്രവിശ്യയിലെ ജിയാന്യാറിൽ ഉയർന്ന അമ്പത് അടിയിലധികം ഉയരമുള്ള ഭഗവാൻ ഗണേശന്റെ ഭീമൻ ശിൽപ്പം ലോകശ്രദ്ധ പിടിച്ചുപറ്റി ഗിന്നസ്…

8 hours ago

നിറം വർധിപ്പിക്കാൻ ഉപയോഗിച്ച ക്രീമിൽ കൊടുംവിഷം! 17കാരിയുടെ വൃക്കകൾക്ക് ഗുരുതര തകരാർ: മെർക്കുറി കണ്ടെത്തിയത് 12,500 പി.പി.എം

സൗന്ദര്യം വർധിപ്പിക്കാനും ചർമ്മത്തിന് നിറം നൽകാനുമായി ഉപയോഗിച്ച ഫെയർനസ് ക്രീം 17കാരിക്ക് ഗുരുതര ആരോഗ്യപ്രശ്നമായി. ക്രീമിലെ മെർക്കുറി വിഷബാധയെ തുടർന്ന്…

11 hours ago