മോദിയെപ്പോലെ സ്വന്തം അധ്വാനം കൊണ്ട് ഉയർന്നു വന്ന ഒരു നേതാവിനെ രാജ്യത്തിന് നൽകാൻ ബിജെപിക്കു മാത്രമേ സാധിക്കൂ..പാർട്ടി വിട്ടതിന് പിന്നാലെ പ്രധാനമന്ത്രി നരേന്ദ്ര മോദിയെയും ബിജെപിയെയും വാനോളം പുകഴ്ത്തുന്ന പഴയ അഭിമുഖത്തിന്റെ വീഡിയോ വീണ്ടും പങ്കുവെച്ച് ഷെഹ്സാദ് പൂനാവാല

ദില്ലി : പാർട്ടി വിട്ടതിന് പിന്നാലെ പ്രധാനമന്ത്രി നരേന്ദ്ര മോദിയെയും ബിജെപിയെയും വാനോളം പുകഴ്ത്തുന്ന പഴയ അഭിമുഖത്തിന്റെ വീഡിയോ വീണ്ടും പങ്കുവെച്ച് ഷെഹ്സാദ് പൂനാവാല. പ്രധാനമന്ത്രി നരേന്ദ്ര മോദിയെപ്പോലെ സ്വന്തം അധ്വാനം കൊണ്ട് ഉയർന്നുവന്ന ഒരു നേതാവിനെ രാജ്യത്തിന് നൽകാൻ ബിജെപിക്കു മാത്രമേ സാധിക്കൂ എന്നും, പ്രതിപക്ഷ പാർട്ടികൾ സ്വന്തം മക്കളെയും കുടുംബവാഴ്ചയെയുമാണ് പ്രോത്സാഹിപ്പിക്കുന്നതെന്നും അദ്ദേഹം ആരോപിച്ചു. രാജ്യത്തെ യുവാക്കൾക്ക് എന്നും ഏറ്റവും വലിയ പ്രതീക്ഷ ബിജെപി തന്നെയാണെന്നും അദ്ദേഹം കൂട്ടിച്ചേർത്തു.

“മതം: ഇസ്ലാം, സംസ്കാരം: ഹിന്ദു, പ്രത്യയശാസ്ത്രം: ഭാരതീയം, പ്രധാനമന്ത്രി നരേന്ദ്ര മോദിയുടെ ആജീവനാന്ത അനുയായി” എന്നാണ് പുതുക്കിയ ബയോയിൽ അദ്ദേഹം കുറിച്ചിരിക്കുന്നത്. വ്യക്തിപരമായ കാരണങ്ങളാലാണ് അദ്ദേഹം പാർട്ടി വിട്ടത് എന്നാണ് റിപ്പോർട്ട്. സജീവ രാഷ്ട്രീയത്തിൽ നിന്ന് മാറിനിൽക്കാൻ സമയമായെന്ന് ദിവസങ്ങൾക്ക് മുമ്പ് അദ്ദേഹം വ്യക്തമാക്കുകയും ചെയ്തിരുന്നു. 2017-ൽ കോൺഗ്രസ് അധ്യക്ഷ തിരഞ്ഞെടുപ്പുമായി ബന്ധപ്പെട്ട അഭിപ്രായവ്യത്യാസങ്ങളെ തുടർന്നാണ് പൂനാവാല കോൺഗ്രസ് വിട്ട് ബിജെപിയിൽ ചേരുന്നത്. തുടർന്ന് ബിജെപിയുടെ ദേശീയ വക്താവായി നിയമിതനായ അദ്ദേഹം, ടെലിവിഷൻ ചർച്ചകളിലും പൊതുവേദികളിലും കോൺഗ്രസിനെയും രാഹുൽ ഗാന്ധിയെയും നിരന്തരം വിമർശിച്ചിരുന്ന പ്രമുഖ നേതാവായിരുന്നു.